શ્રીનગરમાં આતંકવાદી હુમલામાં BSFનો જવાન શહીદ

શ્રીનગર, 21 માર્ચ: જમ્મુ-કાશ્મીરની રાજધાની શ્રીનગરમાં આજે ફરી આતંકવાદીઓએ હુમલો કર્યો હતો જેમાં બીએસએફનો એક જવાન શહીદ થઇ ગયો હતો, જ્યારે બે જવાન ઘાયલ થયા હતા. આતંકવાદીઓએ બીએસએફના વાહન પર નિશાનો સાધીને ઓટોમેટિક હથિયારો દ્વારા હુમલો કર્યો. જોકે હજી સુધી કોઇ આતંકવાદી સંગઠને આની જવાબદારી સ્વીકારી નથી.

દક્ષિણી કાશ્મીરના ડિવાયએસીએ જણાવ્યું કે સવારે સાડા આઠ વાગ્યે એક વાહન બીએસએફના જવાનોને લઇને જઇ રહ્યું હતું. આ દરમિયાન શ્રીનગર ચરારે શરીફ માર્ગ પર મેથન ક્રોસિંગની નજીક આતંકવાદીઓએ હુમલો કરી દીધો. આ હુમલામાં ત્રણ જવાનો ઇજાગ્રસ્ત થઇ ગયા. જોકે ડ્રાઇવર વાહનને કોઇ પણ રીતે એક કિલોમીટર દુર લઇ જવામાં સફળ રહ્યો.

આ ઘાયલ જવાનોને હોસ્પિટલમાં ભરતી કરવામાં આવ્યા હતા જ્યાં એક જવાન કૃષ્ણા કલિતાની મોત થઇ ગઇ હતી. જોકે ઘાયલોમાં એકની હાલત હજી પણ ગંભીર છે. સુરક્ષા દળોએ હુમલાખોરોની તલાશી માટે વ્યાપક અભિયાન શરૂ કરી દીધા છે.

ઉલ્લેખનીય છે કે ગઇ 13 માર્ચના રોજ બેમિના વિસ્તારમાં કેન્દ્રીય રિઝર્વ પોલીસ દળના એક શિબિર પર ફિદાઇની આતંકવાદીઓ દ્વારા હુમલો કરવામાં આવ્યો હતો જેમાં 5 જવાનોના મોત થઇ ગયા હતા અને સાત જવાનો ઘાયલ થયા હતા. જોકે ભારતીય જવાનોએ આ બે આતંકવાદીઓને ઠાર માર્યા હતા.

English summary

terrorist attack in srinagar, one BSF jawan killed.