વિદ્યાર્થી સંઘની ચૂંટણી પહેલા CM માનની મોટી જાહેરાત, ગર્લ્સ-બોય હોસ્ટેલ માટે 48 કરોડ ફાળવ્યા
પંજાબમાં ભગવંત માન સરકારે વિદ્યાર્થી સંઘની ચૂંટણી પહેલા મોટી જાહેરાત કરી છે. પંજાબ સરકારે રાજ્યમાં ગર્લ્સ-બોય હોસ્ટેલના નિર્માણ માટે 48 કરોડ રૂપિયાની ફાળવણી કરી છે.
વિદ્યાર્થી સંગઠનો વિરોધ કરી રહ્યા છે ત્યારે મુખ્યમંત્રી ભગવંત માને પંજાબ યુનિવર્સિટી માટે મોટી જાહેરાત કરી છે. મુખ્યમંત્રી માને પંજાબ યુનિવર્સિટીમાં બે હોસ્ટેલના નિર્માણ માટે ગ્રાન્ટ જાહેર કરી છે. ભગવંત માને ગર્લ્સ હોસ્ટેલ માટે 23 કરોડ અને બોયઝ હોસ્ટેલના નિર્માણ માટે રૂ. 25.91 કરોડ ફાળવ્યા છે.
જાહેરાત કરતા મુખ્યમંત્રી ભગવંત માને કહ્યું કે, પંજાબ યુનિવર્સિટી આપણી ધરોહર છે અને તેને બચાવવા માટે અમે પ્રતિબદ્ધ છીએ. અમે યુનિવર્સિટીમાં શાનદાર હોસ્ટેલ બનાવીશું. જણાવી ગઈએ કે, પંજાબ યુનિવર્સિટીમાં ધારાસભ્યોના પ્રવેશનો વિવિધ વિદ્યાર્થી સંગઠનો વિરોધ કરી રહ્યા છે.
મુખ્યમંત્રી ભગવંત માને ટ્વિટ કરીને પંજાબ યુનિવર્સિટીમાં બે હોસ્ટેલના નિર્માણ માટે ગ્રાન્ટ જારી કરવાની માહિતી આપી. પંજાબ યુનિવર્સિટીમાં વિદ્યાર્થી સંઘની ચૂંટણી સપ્ટેમ્બરના પ્રથમ સપ્તાહમાં યોજાવા જઈ રહી છે. 11 ડિગ્રી કોલેજોમાં વિવિધ વિદ્યાર્થી સંગઠનો ચૂંટણી માટે જોરદાર પ્રચાર કરી રહ્યા છે.
મુખ્યમંત્રીનું ટ્વીટ તમામ વિદ્યાર્થી સંગઠનો માટે મુશ્કેલી ઉભી કરી શકે છે. સાઉથ કેમ્પસમાં પ્રચાર દરમિયાન માહિતી આપતાં છાત્ર યુવા સંઘર્ષ સમિતિ CYSS વિદ્યાર્થી સંગઠનના વડા સંજીવ ચૌધરીએ કહ્યું કે, એક વર્ષ પહેલાં કરવામાં આવેલી જાહેરાત પંજાબ સરકારે પૂરી કરી છે.
Click it and Unblock the Notifications
Sign in with Google
