CM ભૂપેશ બઘેલઃ CAA-NRC માટે મોદી-શાહમાં મતભેદ, ખબર નહિ કોણ સાચુ બોલે છે?
શુક્રવારે છત્તીસગઢના મુખ્યમંત્રી ભૂપેશ બઘેલે સીએએ અને એનઆરસી મુદ્દે કેન્દ્ર સરકાર પર હુમલો કરીને કહ્યુ કે નવા કાયદા વિશે પીએમ મોદી અને અમિત શાહ વચ્ચે મતભેદ છે.
નાગરિકતા સુધારા કાયદા અને એનઆરસી માટે આખા દેશમાં વિરોધ પ્રદર્શનોનો દોર ચાલુ છે. જ્યાં એક તરફ વિપક્ષી દળ આ કાયદોને ગેરબંધારણીય ગણાવી રહ્યા છે ત્યાં બીજી તરફ ભાજપ વિપક્ષના આરોપોને ખોટા ગણાવી રહી છે. શુક્રવારે છત્તીસગઢના મુખ્યમંત્રી ભૂપેશ બઘેલે સીએએ અને એનઆરસી મુદ્દે કેન્દ્ર સરકાર પર હુમલો કરીને કહ્યુ કે નવા કાયદા વિશે પીએમ મોદી અને અમિત શાહ વચ્ચે મતભેદ છે. જેના કારણે આખો દેશ પિસાઈ રહ્યો છે.
શુક્રવારે મીડિયા સાથે વાત કરતા મુખ્યમંત્રી ભૂપેશ બઘેલે કહ્યુ કે આજે દેશમાં જે વાતો થઈ રહી છે, અમિત શાહજી કહે છે આ ક્રોનોલોજી છે - સીએએ, એનપીઆર, એનઆરસી અને નરેન્દ્ર મોદીજી કહે છે એનઆરસી લાગુ થવાનુ નથી. તો સવાલ એ વાતનો છે કે સાચુ કોણ બોલી રહ્યુ છે અને ખોટુ કોણ બોલી રહ્યુ છે. પ્રધાનમંત્રીજી કહી રહ્યા છે એ સાચુ છે? કે ગૃહમંત્રી જે કહી રહ્યા છે એ સાચુ છે? લાગે છે કે બંને વચ્ચે મતભેદ થઈ ચૂક્યો છે અને આના કારણે આખો દેશ પિસાઈ રહ્યો છે.
કોંગ્રેસે પોતાના મુખ્યમંત્રીઓ અને ગઠબંધનના સહયોગીઓને સીએએ સામે પ્રસ્તાવ પાસ કરવા માટે સૂચિત કર્યા છે. અત્યાર સુધી કેરળે સીએએ સામે એક પ્રસ્તાવ પાસ કર્યો છે જ્યારે તૃણમૂલ કોંગ્રેસના નેતૃત્વાળી પશ્ચિમ બંગાળ સરકાર પણ પહેલેથી જ કહી ચૂકી છે કે તે નવા કાયદાના વિરોધમાં છે.
Chhattisgarh CM Bhupesh Bhagel: Aaj desh me jo baatein ho rahi hain, Amit Shah ji kehte hain ye chronology hai-CAA, NPR, NRC, aur Narendra Modi ji kehte hain NRC laagu hone vaala nahi hai, toh sawal iss baat ka hai, ki sach kaun bol raha hai aur jhooth kaun bol raha hai. 1/2 pic.twitter.com/3EE09FddbX
— ANI (@ANI) 17 January 2020
આ તરફ પંજાબ વિધાનસભાએ નાગરિકતા સુધારા કાયદા સામે પ્રસ્તાવ પાસ કર્યો છે. પંજાબની કોંગ્રેસ સરકાર તરફથી વિધાનસભામાં શુક્રવારે આ કાયદા સામે પ્રસ્તાવ લાવવામાં આવ્યો, જેને સંસદે પોતાની મંજૂરી આપી દીધી. પ્રસ્તાવમાં નાગરિકતા કાયદાને બંધારણની વિરુદ્ધ ગણાવીને આને રદ કરવાની માંગ કરવામાં આવી છે. પંજાબ સીએએના વિરોધમાં પ્રસ્તાવ પાસ કરનાર બીજુ રાજ્ય છે. આ પહેલા કેરળની વિધાનસભા પણ વિવાદિત નાગરિકતા કાયદા સામે પ્રસ્તાવ પાસ કરી ચૂકી છે.
Click it and Unblock the Notifications
Sign in with Google
