એવું વૃક્ષ જેની નીચે બેસતાં જ જીત જશો ચૂંટણી
ગડગ જિલ્લાના મુન્ડાર્ગી તાલુકાના હેમારેડ્ડી નજીક સ્થિત આ આંબલીના વૃક્ષ અંગે માન્યતા છેકે, તેની નીચે બેસીને ગ્રામસભાને સંબોધિત કરનાર ઉમેદવારને હારનો સ્વાદ ચાખવો પડતો નથી. આ માન્યતાના કારણે ગ્રામ પંચાયતથી લઇને વિધાનસભા સુધીની દરેક ચૂંટણીમાં ઉતરનાર દરેક ઉમેદવાર આ વૃક્ષ પાસે જરૂર આવે છે.
એમએલએ કાટ્ટેના નામથી પ્રસિદ્ધ આ વૃક્ષની ચારેકોર પથ્થરોનું આસન બનેલું છે. આ માન્યતા ત્યારથી શરૂ થઇ જ્યારે કાલકેરી ગામના એસએસ પાટિલે જનતા દળની ટિકિટથી 1994માં વિધાનસભા ચૂંટણી લડી અને જીત હાંસલ કરી હતી.
પાટિલ ચૂંટણી પ્રચાર દરમિયાન આ વૃક્ષ નીચે બેસીને ગ્રામીણોની સમસ્યાઓ સાંભળ્યા કરતા હતા અને આ જ મંચ પરથી સાર્વજનિક સભાઓને પણ સંબોધિત કરતા હતા. પાટિલે માત્ર ચૂંટણી નહોતી જીતી પરંતુ ત્રણ ચૂંટણીઓ સુધી પોતાની સફળતા કાયમ રાખી હતી.
ત્યાર બાદ આ વૃક્ષ નીટે બેસીને ગ્રામીણોને સંબોધિત કરનારા વાઇ એન ગૌડા, વીરપક્ષ ગૌડા, રવીનદ્ર ઉપ્પિનબેતાગિરિ અને અન્ય નેતાઓએ સ્થાનિક ચૂંટણીમાં જીત નોંધાવી હતી. ત્યારથી ઉમેદવાદ ગ્રામીણોને સંબોધિત કરવા માટે આ વૃક્ષના મંચનો ઉપયોગ કરે છે.
શિરહટ્ટીથી કોંગ્રેસના ઉમેદવાર રામકૃષ્ણ ડોડ્ડામણીએ કહ્યું કે હું ટીએમસી ચૂંટણી પહેલા આ વૃક્ષ પાસે આવ્યો હતો અને મને વિજય મળ્યો હતો. હવે વિધાનસભા ચૂંટણીને ધ્યાનમાં રાખીને અહીં એ આશા સાથે અવારનવાર આવું છું કે વૃક્ષ મને આશિર્વાદ આપશે અને હું જીત મેળવીશ.
Click it and Unblock the Notifications
Sign in with Google
