Video: 3 જવાન હેલિકૉપ્ટરમાંથી નીચે પટકાયા, તપાસ ચાલુ

Written By:
Subscribe to Oneindia News

15 જાન્યુઆરીના રોજ સેના દિવસે યોજાનાર પરેડ માટે અભ્યાસ કરતી વેળાએ સેનાના ત્રણ જવાન હેલિકૉપ્ટરમાંથી પડતા ઇજાગ્રસ્ત થયા છે. નવી દિલ્હીમાં ધ્રુવ હેલિકૉપ્ટરમાંથી ઉતરતા અભ્યાસ કરી રહેલ 3 જવાન અચાનક દોરી તૂટવાને કારણે ઊંચાઇએથી નીચે પડ્યા હતા. જો કે, સેના અનુસાર આ જવાનોને કોઇ ગંભીર ઇજા પહોંચી નથી. સેના તરફથી આ મામલે અધિકૃત નિવેદન આપવામાં આવ્યું છે. સેના તરફથી જણાવવામાં આવ્યું છે કે, 9 જાન્યુઆરીના રોજ બનેલ આ ઘટનામાં જે ત્રણ જવાન ઇજાગ્રસ્ત થયા હતા, તેઓ સંપૂર્ણ રીતે સુરક્ષિત છે.આ મામલાની તપાસ શરૂ થઇ ગઇ છે.

indian army

આ ઘટનાનો વીડિયો પણ ખૂબ વાયરલ થઇ રહ્યો છે. જેમાં જોઇ શકાય છે કે, જવાન હેલિકૉપ્ટરમાંથી નીચે ઉતરી રહ્યા છે. બે જવાન સરળતાથી લેન્ડ કરે છે, ત્રીજો જવાન નીચે પહોંચે એ પહેલા જ બે અન્ય જવાનો સાથેની દોરી તૂટતા ત્રણેય નીચે પટકાય છે. ભારતીય સેનાના પહેલા કમાન્ડર ઇન ચીફ લેફ્ટિનેંટ જનરલ કે.એમ.કરિયપ્પાના સન્માનમાં વર્ષ 1949થી ઉજવવામાં આવે છે. દર વર્ષે સેનાના તમામ કમાન્ડ હેડક્વોર્ટર અને દેશની રાજધાની દિલ્હીમાં આર્મી પરેડ અને અનેક કાર્યક્રમોનું આયોજન કરવામાં આવે છે.

English summary
Three jawans of the Indian Army got injured during a practice drill ahead of the Army Day.

For Breaking News from Gujarati Oneindia
Get instant news updates throughout the day.