શા માટે ડ્વેન બ્રેવોએ અપનાવી સાઉથ ‘સ્ટાઇલ’?

Updated: Wednesday, October 9, 2013, 19:05 [IST]

આજે દેશભરમાં અને વિદેશમાં બનેલી કેટલીક ખાસ ઘટનાઓ જે તે સમયે નહીં જોઇ શકવાનો રંજ દરેક માહિતી મેળવવા માગતા વાંચકોને રહેતો હોય છે, ત્યારે તેમને ધ્યાનમાં રાખીને અહીં એવા જ કેટલાક સમાચારોને તસવીરોના માધ્યમથી રજૂ કરવામાં આવ્યા છે. જેમાં ક્યાંક રાજકિય કાવાદાવાઓની વાત છે, ક્યાંક વિરોધ પ્રદર્શનોની વાત છે, ક્યાંક ખુલાસાઓની વાત છે, ક્યાંક ફિલ્મ જગત સાથે જોડાયેલા સમાચારો છે તો ક્યાંક ક્રિકેટ અને રમત-જગત સાથે જોડાયેલા સમચારો છે.

આજના કેટલાક સમાચારોની વાત કરવામાં આવે તો રાજકોટમાં ટી20 મેચ પહેલા ભારતીય ટીમ દ્વારા આકરી પ્રેક્ટિસ કરવામાં આવી હતી. લાંબા સમય બાદ ભારતીય ટીમમાં પરત ફરેલા મીડલ ઓર્ડર બેટ્સમેન યુવરાજ સિંહે પ્રેક્ટિસ સેશન દરમિયાન કોચ સાથે ખાસ્સી ચર્ચા કરી હતી. બીજી તરફ વેસ્ટ ઇન્ડિઝના ખેલાડી દ્વારા તમિળ મૂવી માટે શૂટિંગ કરવામાં આવ્યું છે. તો બીજી તરફ કેન્દ્રિય પેટ્રોલિયમ મંત્રી વીરપ્પા મોઇલી દ્વારા કેવી રીતે પેટ્રોલ બચાવવું એ જણાવવા માટે મેટ્રો ટ્રેનમાં મુસાફરી કરી હતી. આવા જ કેટલાક સમાચાર અહીં તસવીરો થકી જણાવવામાં આવ્યા છે.

અલ્હાબાદમાં ભાજપની બેઠક

યુપી ભાજપ ઇન્ચાર્જ અમિત શાહે અલ્હાબાદમાં પક્ષની બેઠક યોજી હતી.

રામપુરમાં રેલી

રામપુરમાં એક રેલીમાં આવેલા સમર્થકોનું અભિવાદન કરી રહેલા કોંગ્રેસના ઉપાધ્યક્ષ રાહુલ ગાંધી.

ભારત એ અને વેસ્ટ ઇન્ડિઝ એની ટેસ્ટ મેચ

હુબલીમાં ટેસ્ટ મેચ દરમિયાન વેસ્ટ ઇન્ડિઝ એના ખેલાડીની વિકેટ લીધા બાદ ઉજવણી કરી રહેલી ભારત એ ટીમ.

દિલ્હીમાં ઇમારત ધરાશયી થયા બાદ બચાવ કાર્ય

નવી દિલ્હીમાં બારા હિન્દુ રાઓમાં એક ઇમારત ધરાશયી થયા બાદ બચાવ કાર્ય કરી રહેલાં કર્મી.

શોરૂમનું ઉદ્ધાટન

આંઘ્ર પ્રદેશના નાલગોંડા જિલ્લામાં એક શોરૂમનું ઉદ્ઘાટન કરી રહેલી અભિનેત્રી પ્રનિથા.

યુએન જનરલ એસેમ્બલીમાં જેટલી

ન્યુયોર્કમાં યુએન જનરલ એસેમ્બલીના 68માં સેશનમાં બોલી રહેલા ભાજપના નેતા અરૂણ જેટલી.

બેન્ક કર્મીઓની ધરપકડ

હૈદરાબાદમાં યુનાઇટેડ આંઘ્ર પ્રદેશના સમર્થનમાં વિરોધ કરી રહેલા બેન્ક કર્મચારીઓની પોલીસ દ્વારા ધરપકડ કરવામાં આવી હતી.

દૂધ નદીમાં રેડીને વિરોધ

જમ્મૂમાં ગુજ્જર લોકો દ્વારા અનોખી રીતે વિરોધ દર્શાવવામાં આવ્યો હતો. મ્યુનિસિપલ કોર્પોરેશનના અધિકારીઓ દ્વારા દુધમાં ભેળસેળ મુદ્દે સાત લોકોની ધરપકડ કરવામાં આવ્યા બાદ વિરોધ નોંધાવતા ગુજ્જર લોકોએ દૂધને તાવી નદીમાં ઢોળી નાંખ્યું હતું.