ટ્રેનના ભાડાંમાં રૂપિયા 20ના વધારાની શક્યતા

નવી દિલ્હી, 27 જાન્યુઆરી : આજ મહિનાના શરૂઆતમાં રેલવે મંત્રાલય દ્વારા કરવામાં આવેલા ભાડા વધારાની જાહેરાત બાદ આજે ફરી એકવાર ટ્રેનના ભાડામાં વધારો થવાની શક્યતા દર્શાવવામાં આવી છે. પ્રાપ્ત માહિતી અનુસાર રાજધાની, દૂરંતો અને શતાબ્દીમાં યાત્રા કરનારા મુસાફરોએ આવનારા થોડા સમયમાં મુસાફરી માટે વાધારે ભાડું ચૂકવવું પડી શકે છે. આ વધારો ખાવા પીવાની વસ્તુઓ (કેટરિંગ)માં થયેલા વધારાને પગલે કરવામાં આવે એવી શક્યતાઓ છે. દેશની અગ્રણી ટ્રેનમાં તેનો વધારો લગભગ નિશ્ચિત છે.

આ અંગેના નિર્ણયની પ્રક્રિયામાં સામેલ રેલવે વિભાગના એક અગ્રણી અધિકારીએ જણાવ્યું કે રાજધાની, શતાબ્દી અને દૂરંતોમાં ખાણી-પીનીની વસ્તુઓમાં બાવ વધાર્યા બાદ આ અગ્રણી રેલ ગાડીઓના ભાડામાં રેલવે મંત્રાલય રૂપિયા 15થી રૂપિયા 20નો વધારો કરી શકે એમ છે.

અધિકારીઓનું કહેવું છે કે આ ટ્રેન્સમાં ભાડાના વધારા અંગેની જાહેરાત ટૂંક સમયમાં કરવામાં આવશે. આ માટેનું સોફ્ટવેર અપડેટ થતા જ તે અંગેની જાહેરાત કરાવમાં આવશે. અગાઉ કરવામાં આવેલો ભાડા વધારો હજી 22 જાન્યુઆરીથી જ અમલી બનાવવામાં આવ્યો છે. હવે ટૂંક સમયમાં આ બીજો વધારો થવા જઇ રહ્યો છે. 10 વર્ષ બાદ આ ભાડા વધારવામાં આવ્યા હતા. પણ તેમાં રાજધાની, શતાબ્દી અને દૂરંતોની કેટરીંગ સર્વિસમાં વધારો કરવામાં આવ્યો ન હતો.

રેલવે મંત્રાલયે આ ગાડીઓ અને એક્સપ્રેસ રેલગાડીઓના ભોજનના યાદી અને તેની કિંમતોમાં સુધારો કરવા અંગેનું સૂચન કરવા માટે એક સમિતીની રચના કરવામાં આવી હતી. અધિકારીઓના જણાવ્યા અનુસાર ભાડા અને કિંમતોંમાં વધારે કરવાનો નિર્ણય સમિતીની ભલામણોની તપાસ અને રેલ બોર્ડની સૂચનોને આધારે લેવામાં આવશે.

English summary

Train fares likely to be increased by rs 20.