ટ્વિટરનો 7મો જન્મદિન : જાણો ભારતમાં કોણ છે ટ્વિટર બાદશાહ

Published: Thursday, March 21, 2013, 17:58 [IST]

નવી દિલ્હી, 21 માર્ચ : સોશિયલ નેટવર્કિંગ સાઇટ ટ્વિટર ગુરુવાર 21 માર્ચ, 2013ના રોજા પોતાનો 7મો જન્મદિન ઉજવી રહી છે. આ સાત વર્ષોમાં ટ્વિટરના 20 કરોડ વપરાશકારો બન્યા છે. આ વપરાશકારો દિવસની 40 કરોડથી વધારે ટ્વિટ કરે છે.

આ સેવાને શરૂઆતમાં સ્ટેટ-અસ(stat.us) નામ આપવામાં આવ્યું હતું. ત્યાર બાદ તેને બદલીને ટ્વિટર કરવામાં આવ્યું હતું. આ સાઇટની શરૂઆત વર્ષ 2006માં જેક ડોર્સીએ કરી હતી. આ અંગે જૈક ડોર્સી કહે છે કે હું બ્લોગિંગને કેવી રીતે વધારે સારું બનાવી શકાય તે અંગે 6 વર્ષ વિચારતો રહ્યો. હું ઇચ્છતો હતો કે વાસ્તવિક સમયે ઘટનાને દુનિયા સમક્ષ રજૂ કરવામાં આવે. આ માટે એક માધ્યમની જરૂર હતી. આથી મેં એક એવું માધ્યમ બનાવ્યું જેને ક્યાંયથી પણ અપડેટ કરી શકાય.

આજે ટ્વિટરનો ઉપયોગ વિવિધ કાર્યો કરવા માટે થાય છે. જેમાં લોકો પોતાના વિચારો રજૂ કરવા ઉપરાંત માહિતી મેળવવા, લગ્ન પ્રસ્તાવ મૂકવા અને કોઇને પડકાર ફેંકવા માટે પણ કરે છે. દુનિયાભરમાં ગાયક જસ્ટિન બિબરના સૌથી વધારે ફોલોઅર છે. તેમને 3 કરોડ 62 લાખ લોકો ફોલો કરે છે. જ્યારે લેડી ગાગા 3.5 કરોડ ફોલોઅર સાથે બીજા ક્રમે છે. ભારતમાં ટ્વિટર ફ્રેન્ડલી કઇ હસ્તિઓ છે જેમના સૌથી વધારે ફોલોઅર છે તે આવો જાણીએ...

ટ્વિટરનો 7મો જન્મદિન : જાણો ભારતમાં કોણ છે ટ્વિટર બાદશાહ

અમિતાભ બચ્ચન
બોલીવુજ શહેનશાહ અમિતાભ બચ્ચનના ભારતમાં સૌથી વધારે ફોલોઅર છે. તેમને 46 લાખ લોકો ફોલો કરે છે. અમિતાભ બચ્ચન ટ્વિટરના માધ્યમથી પોતાના ચાહકો સાથે ફોટો અને વ્યક્તિગત જીવનની વાતો તથા અન્ય માહિતીનું આદાન-પ્રદાન કરે છે.

ટ્વિટરનો 7મો જન્મદિન : જાણો ભારતમાં કોણ છે ટ્વિટર બાદશાહ

શાહરૂખ ખાન
અમિતાભ બાદ બીજા નંબરે કિંગ ખાન બોલીવુડના બાદશાહ શાહરૂખ ખાન બીજા નંબરે આવે છે. તેમને 37 લાખ લોકો ફોલો કરે છે. તેઓ ટ્વિટર પર પોતાના વ્યક્તિગત વિચારો, પોતાની ફિલ્મો અંગેની પોસ્ટ અને વિડિયો વગેરે શેર કરે છે.

ટ્વિટરનો 7મો જન્મદિન : જાણો ભારતમાં કોણ છે ટ્વિટર બાદશાહ

પ્રિયંકા ચોપરા
ત્રીજા નંબરે અભિનેત્રી પ્રિયંકા ચોપરા આવે છે. તેમના 36 લાખ ફોલોઅર્સ છે. આ બાબતમાં તેમણે આમિર ખાન અને સલમાન ખાનને પાછળ છોડી દીધા છે. બોલીવુડની અભિનેત્રીઓમાં તેઓ સોથી વધુ ફોલોઅર્સ સાથે પ્રથમ ક્રમે છે.

ટ્વિટરનો 7મો જન્મદિન : જાણો ભારતમાં કોણ છે ટ્વિટર બાદશાહ

સલમાન ખાન
ચોથા નંબરે સલમાન ખાન આવે છે. તેમને 35.98 લાખ લોકો ફોલો કરે છે. આ મામલે તેઓ પ્રિયંકાથી જરાક પાછળ છે. બની શકે કે તેઓ ટૂંક સમયમાં પ્રિયંકાને પાછળ છોડી દઇ શકે.

ટ્વિટરનો 7મો જન્મદિન : જાણો ભારતમાં કોણ છે ટ્વિટર બાદશાહ

આમિર ખાન
આમિર ખાન 34.93 લાખ ફોલોઅર્સ સાથે પાંચમા ક્રમે છે. તેઓ ટ્વિટર પર પોતાના ચાહકોને સતત અપીલ કરતા હોય છે કે ફિલ્મનું સસ્પેન્સ જાળવી રાખે અને જાહેર ના કરે.