1996 મોદીનગર બ્લાસ્ટ કેસમાં 2 દોષિયોને જનમટીપ

Published: Monday, April 15, 2013, 18:14 [IST]

નવી દિલ્હી, 15 એપ્રિલ: 1996માં ઉત્તર પ્રદેશના ગાઝિયાબાદ જિલ્લાના મોદી નગરમાં થયેલા બોમ્બ બ્લાસ્ટમાં કોર્ટે આજે પોતાનો ફેસલો સંભળાવ્યો. કોર્ટે બે દોષિયો ઇલિયાસ અને અબ્દુલ મતીનને જનમટીપની સજા ફટકારી છે. મોદીનગર બોમ્બ વિસ્ફોટોમાં લગભગ 16 લોકોના મોત થયા હતા જ્યારે 20 લોકો ઘાયલ થયા હતા. બ્લાસ્ટ મામલામાં એક દોષી અબ્દુલ મતીન પાકિસ્તાનનો રહેનાર છે.

ઉલ્લેખનીય છે કે 27 એપ્રિલ 1996ના રોજ મોદીનગર સ્થિત યૂપી રોડવેજની બસમાં થયેલા બ્લાસ્ટમાં 24થી વધારે મુસાફરોનું મૃત્યુ થયું હતું. આ મામલામાં પોલીસે મતીન, ઇલિયાસ અને એક અન્યને આરોપી બનાવ્યો હતો.

પોલીસે મતીનને પંજાબથી પકડી પાડ્યો હતો. મતીન મૂળરૂપે પાકિસ્તાનના સિંધ પ્રાંતનો રહેનાર છે. તેમની સામે રાજસ્થાનમાં પણ બોમ્બ બ્લાસ્ટની ઘટનાઓને અંજામ આપવાનો કેસ નોંધાયેલો છે. એક મામલામાં જયપૂરની કોર્ટ તેને જનમટીપની સજા ફટકારી ચૂકી છે. બીજી બાજું મતીને પૂર્વમાં અદાલતમાં અરજી આપીને કેસનો ઝલદી નિવેડો લાવવાની પ્રાર્થના કરી હતી.

Published On April 15, 2013