આગરાના તાજમહેલ પાસે બ્લાસ્ટ: 2ના મોત, એકને ઇજા

By Kumar Dushyant

Updated: Thursday, April 25, 2013, 14:09 [IST]

આગરા, 25 એપ્રિલ: ઉત્તર પ્રદેશના તાજમહેલથી દોઢ કિલોમીટરના અંતરે આવેલા તાજગંજમાં એક બ્લાસ્ટ થયો છે જેમાં બે લોકોના મોત નિપજ્યાં છે અને એકને ઇજા પહોંચી છે. ટીવી ચેનલના જણાવ્યા અનુસાર આગના તાજગંજ વિસ્તારમાં બ્લાસ્ટ થયો છે.

પોલીસ મહાનિરિક્ષક ભાનુ ભાસ્કરે જણાવ્યું હતું કે ભંગારખાનાના ગોડાઉનમાં આર્મી કેમ્પ વિસ્તારમાંથી ભંગાર લાવવામાં આવ્યો હતો જેને તોડતી વખતે વિસ્ફોટ થયો હતો. જેમાં બે ભાઇઓ જિતેન્દ્ર ઉર્ફે છોટૂ (ઉ.વ. 21) અને રામ નિવાસ (ઉ.વ. 23)નું મોત નિપજ્યું છે જ્યારે માય દેવી નામની મહિલાને ઇજા પહોંચી છે. જો કે ઇજાગ્રસ્ત મહિલાના પરિવારજનોનું કહેવું છે કે આ મહિલાનું પણ મોત નિપજ્યું છે.