અલકાયદાના બે શંકાસ્પદ આતંકવાદીઓની ધરપકડ, અન્ય 17 લોકો પણ સક્રિય
પશ્ચિમ બંગાળ પોલીસના સ્પેશિયલ ટાસ્ક ફોર્સ યુનિટે બુધવારની મોડી રાત્રે ઉત્તર 24 પરગણા જિલ્લામાંથી ભારતીય ઉપખંડમાં અલ કાયદાના બે શંકાસ્પદ આતંકવાદીઓની ધરપકડ કરી હતી. એસટીએફના વરિષ્ઠ અધિકારીએ આ માહિતી આપી છે.
પશ્ચિમ બંગાળ, 18 ઓગસ્ટ : પશ્ચિમ બંગાળ પોલીસના સ્પેશિયલ ટાસ્ક ફોર્સ યુનિટે બુધવારની મોડી રાત્રે ઉત્તર 24 પરગણા જિલ્લામાંથી ભારતીય ઉપખંડમાં અલ કાયદાના બે શંકાસ્પદ આતંકવાદીઓની ધરપકડ કરી હતી. એસટીએફના વરિષ્ઠ અધિકારીએ આ માહિતી આપી છે.
STFએ જણાવ્યું કે, સ્પેશિયલ ટાસ્ક ફોર્સ, પશ્ચિમ બંગાળે બે આતંકવાદીઓ અબ્દુર રકીબ સરકાર અને કાઝી અહસાન ઉલ્લાહને પ્રતિબંધિત આતંકવાદી સંગઠન અલ કાયદા સાથે કથિત સંડોવણી બદલ સાસન પોલીસ સ્ટેશન હેઠળના ખરીબારીમાંથી ધરપકડ કરી છે.
અધિકારીઓએ જણાવ્યું હતું કે, એક સૂચના પર કાર્યવાહી કરીને, STF યુનિટના અધિકારીઓએ બુધવારની રાત્રે ઉત્તર 24 પરગણાના સરકારી પોલીસ સ્ટેશન વિસ્તાર હેઠળના ખારીબારીમાં રેડ કરી હતી અને આતંકવાદી સંગઠન સાથે તેમની કથિત સંડોવણી બદલ બેની ધરપકડ કરી હતી.
તેમાંથી એકની ઓળખ દક્ષિણ દિનાજપુર જિલ્લાના ગંગારામપુરના રહેવાસી તરીકે થઈ છે, જ્યારે બીજાની ઓળખ હુગલી જિલ્લાના આરામબાગના રહેવાસી તરીકે થઈ છે, વરિષ્ઠ પોલીસ અધિકારીએ જણાવ્યું હતું કે, રેડ દરમિયાન તેમના કબ્જામાંથી ઘણા દસ્તાવેજો જપ્ત કરવામાં આવ્યા છે.
અધિકારીએ જણાવ્યું હતું કે, બંનેની પૂછપરછ કર્યા પછી, પોલીસને જાણવા મળ્યું છે કે, AQIS ના ઓછામાં ઓછા 17 અન્ય સભ્યો આ વિસ્તારમાં સક્રિય છે. ધરપકડ કરાયેલા બંનેને ગુરુવારના રોજ સ્થાનિક કોર્ટમાં રજૂ કરવામાં આવશે, એમ અધિકારીએ જણાવ્યું હતું.