UP by-election 2024 : SHO મતદારોને ધમકાવી રહ્યા છે, અખિલેશ યાદવે વીડિયો જારી કરી આરોપ લગાવ્યો
UP by-election 2024 : ઉત્તર પ્રદેશમાં પેટા ચૂંટણી વચ્ચે રાજનીતિ તેજ છે. મત માટે નેતાઓની નીચતાને એક પછી એક વીડિયો સામે આવી રહ્યાં છે ત્યારે અખિલેશ યાદવે વધુ વીડિયો શેર કરીને બીજેપી પર મોટા આરોપ લગાવ્યા છે.
અખિલેશ યાદવે સોશિયલ મીડિયા પર એક વીડિયો શેર કર્યો છે. આ વીડિયોમાં એક SHO મીરાપુરમાં મતદારોને ધમકાવતો જોવા મળી રહ્યો છે. અખિલેશ યાદવે ચૂંટણી પંચને SHOને તાત્કાલિક સસ્પેન્ડ કરવા માંગ કરી છે.
અખિલેશ યાદવે લખ્યું કે, ચૂંટણી પંચે મીરાપુરના કકરૌલી પોલીસ સ્ટેશન વિસ્તારના એસએચઓને તાત્કાલિક સસ્પેન્ડ કરવા જોઈએ, તે મતદારોને રિવોલ્વરથી ધમકાવીને મત આપવાથી રોકી રહ્યા છે.
અખિલેશે લખ્યું કે, ઈબ્રાહિમપુરમાં મહિલાઓને વોટિંગ કરવાથી રોકવા અભદ્ર ભાષા અને વર્તનનો ઉપયોગ કરનારા SHO વિરુદ્ધ તાત્કાલિક સસ્પેન્શનની કાર્યવાહી થવી જોઈએ.
જણાવી દઈએ કે, અખિલેશ યાદવે પ્રેસ કોન્ફરન્સ કરીને ભાજપ પર ગંભીર આરોપ લગાવ્યા. કહ્યું કે, ભાજપ આ પેટાચૂંટણી વોટથી નહીં પણ ખોટથી જીતવા માંગે છે. હારના ડરથી ભાજપ પ્રશાસન પર અપ્રમાણિક બનવા દબાણ કરી રહ્યું છે.
मीरापुर के ककरौली थाना क्षेत्र के SHO को चुनाव आयोग तुरंत निलंबित किया जाए, क्योंकि वो रिवॉल्वर से धमकाकर वोटर्स को वोट डालने से रोक रहे हैं। @ECISVEEP @SECUttarPradesh@rajivkumarec@spokespersonECI@ceoup#ECI#YouAreTheOne#IVoteForSure#UPPolitics#SamajwadiParty pic.twitter.com/WfiygzqO0t
— Akhilesh Yadav (@yadavakhilesh) November 20, 2024
અખિલેશ યાદવે કહ્યું કે, હવે કોઈ ગડબડી નહીં થવા દેવામાં આવે. જો કોઈ તમને ફરીથી રોકે તો ચૂંટણી પંચના અધિકારીઓ અથવા ત્યાં હાજર રાજકીય પક્ષોના લોકોને જાણ કરો અથવા સીધી ચૂંટણી પંચને ફરિયાદ કરો. ચૂંટણી પંચ તરફથી મળેલી આ ખાતરી બદલ આભાર.
તેમણે કહ્યું કે, વહીવટીતંત્ર અને પોલીસના બેઇમાન અધિકારીઓને બક્ષવામાં નહીં આવે. વીડિયો પુરાવા તેની સામે કાનૂની કાર્યવાહીનો આધાર બનશે. ડર્યા વિના જાઓ અને તમારો મત આપો.
Click it and Unblock the Notifications
Sign in with Google
