UP News: ખેડૂતો માટે આવી મોટી ખુશખબરી, મુખ્યમંત્રી ખેત સુરક્ષા યોજના હવે આખા યુપીમાં લાગુ કરશે સરકાર
Mukhyamantri khet surakcha yojna News: ઉત્તર પ્રદેશમાં, મુખ્ય મંત્રી ખેત સુરક્ષા યોજના હવે માત્ર બુંદેલખંડમાં જ નહીં પરંતુ સમગ્ર રાજ્યમાં એક સાથે લાગુ કરવામાં આવશે. અધિકારીઓની વાત માનીએ તો યોગી સરકારે આ યોજના માટે બજેટ 75 કરોડથી વધારીને 350 કરોડ કરવાનો પ્રસ્તાવ મૂક્યો છે.
યોજના હેઠળ, પ્રાણીઓથી પાકને બચાવવા માટે માત્ર 12 વૉલ્ટ કરન્ટ પ્રવાહ સાથે સોલાર ફેન્સીંગ સ્થાપિત કરવામાં આવશે. સૌર વાડ પ્રાણીઓને હળવો આંચકો આપશે, જે તેમને નુકસાન નહીં કરે પરંતુ તેમને પાકથી દૂર રાખશે. જેવુ કોઈ પ્રાણી વાડને સ્પર્શશે એટલે સાયરન વાગશે અને તે પ્રાણીઓને હળવો આંચકો આપશે.
નિવેદન અનુસાર, આ નીલગાય, વાંદરાઓ, ભૂંડ/જંગલી ડુક્કર જેવા પ્રાણીઓને ખેતરોમાં ઉભા પાકને નુકસાન કરતા અટકાવશે. આ યોજનાને ટેકો આપવા માટે, સરકાર નાના અને સીમાંત ખેડૂતોને 60 ટકા અથવા 1.43 લાખ પ્રતિ હેક્ટર ગ્રાન્ટ આપશે.
આ યોજનાનો ડ્રાફ્ટ કૃષિ વિભાગ દ્વારા તૈયાર કરવામાં આવ્યો છે અને ટૂંક સમયમાં તેને કેબિનેટની મંજૂરી માટે મોકલવામાં આવશે.મંજૂરી મળ્યા બાદ આ યોજના સમગ્ર રાજ્યમાં લાગુ કરવામાં આવશે.
નોંધનીય છે કે પ્રાણીઓને નજીકમાં ખાવા માટે કંઈ મળતું નથી ત્યારે તે ખેતરમાં ઉભા પાકને વધુ નુકસાન પહોંચાડે છે. તેથી ગોચરના મહત્વને ધ્યાનમાં રાખીને, પશુપાલન અને ડેરી વિકાસ વિભાગ દ્વારા 11મી જુલાઈથી ગૌચરની જમીનને ગેરકાયદે અતિક્રમણમાંથી મુક્ત કરવા અભિયાન ચલાવવામાં આવી રહ્યું છે.
આ અભિયાન 25 ઓગસ્ટ સુધી ચાલુ રહેશે. આ પગલાનો ઉદ્દેશ્ય આગામી લોકસભાની ચૂંટણીમાં રખડતા પ્રાણીઓ દ્વારા પાકને નષ્ટ કરવાના પ્રયાસોને નિષ્ફળ બનાવવાનો પણ છે.
Click it and Unblock the Notifications
Sign in with Google
