UP News: યુપીની એંટી-નાર્કોટિક્સ ટાસ્ક ફોર્સ શું છે? સીએમ યોગીએ કેમ આપી નવી નીતિને મંજૂરી?
Anti-Narcotics Task Force: ઉત્તર પ્રદેશ સરકારે માદક દ્રવ્યોના વેચાણ પર કડક કાર્યવાહી કરવા અને નાર્કોટિક્સ એક્ટ હેઠળ કેસની નોંધણીને ઝડપી બનાવવા માટે વિશેષ એન્ટી-નાર્કોટિક્સ ટાસ્ક ફોર્સ (ANTF)ની સ્થાપના કરી હતી.
જો કે, નવી નીતિ હેઠળ સરકારે તેને વધુ મજબૂત કરવા માટે 450 પોલીસકર્મીઓને ANTFમાં ડેપ્યુટેશન પર મોકલવાનો નિર્ણય કર્યો છે.
સૂત્રોના જણાવ્યા મુજબ સરકારનું ધ્યાન પશ્ચિમ ઉત્તર પ્રદેશ પર છે, જે દિલ્લી, હરિયાણા અને પંજાબની નજીક હોવાને કારણે અને હોસ્ટેલ, કોલેજો વગેરેમાં અચાનક વધારો થવાને કારણે ડ્રગના દુરૂપયોગ માટે ફળદ્રુપ જમીન બની ગઈ છે.
કૉન્સ્ટેબલ, હેડ કૉન્સ્ટેબલ, સબ-ઇન્સ્પેક્ટર, ઇન્સ્પેક્ટર, કમ્પ્યુટર ઑપરેટર અને અન્ય સ્તરના અધિકારીઓ અને કર્મચારીઓને પણ યુપી પોલીસથી ANTFમાં ડેપ્યુટેશન પર જતા લોકોમાં સામેલ કરવામાં આવશે. યોગી સરકારે તાજેતરમાં ટ્રાન્સફર પોલિસીને મંજૂરી આપી હતી.
ANTFના ડીઆઈજી અબ્દુલ હમીદે જણાવ્યુ હતુ કે આ વિંગની યોગ્ય કામગીરી માટે 450 પદો પર નિમણૂક કરવાનો પ્રસ્તાવ સરકારને મોકલવામાં આવ્યો હતો. હવે મુખ્યમંત્રીએ આ માટે ટ્રાન્સફર પૉલિસીને મંજૂરી આપી દીધી છે, ત્યારબાદ હવે યુપી પોલીસમાંથી જ આટલા લોકોને અહીં લાવવામાં આવશે.
તમને જણાવી દઈએ કે ગૃહ મંત્રાલયે ડિસેમ્બર 2021માં રાજ્યોને ડ્રગ્સના જોખમ સામે લડવા અને 'ડ્રગ-ફ્રી ઇન્ડિયા'ના સપનાને સાકાર કરવા પોલીસ મહાનિર્દેશકોને એન્ટિ-નાર્કોટિક્સ ટાસ્ક ફોર્સ (ANTF)ની રચના કરવાનો નિર્દેશ આપ્યો હતો. ANTFની ઓફિસ પોલીસ હેડક્વાર્ટર ખાતે છે અને તેનુ નેતૃત્વ DIG રેન્કના અધિકારી કરે છે.
તેનુ માળખું સમજાવતા, અધિક પોલીસ મહાનિર્દેશક પ્રશાંત કુમાર કહે છે, જેઓ ANTFના સુપરવાઇઝરી ઓફિસર પણ છે. તે રાજ્યમાં ત્રણ પ્રદેશો (પશ્ચિમ, મધ્ય અને પૂર્વ)માં વહેંચાયેલું છે. આ તમામનુ નેતૃત્વ ડીએસપી કરશે. દરેક રેન્કનો એક અધિકારી જ્યારે ડીઆઈજી રેન્કનો અધિકારી પોલીસ હેડક્વાર્ટરમાંથી નેતૃત્વ કરશે.
ડીઆઈજીને બે એસપી રેન્કના અધિકારીઓ એસપી (ઑપરેશન્સ) અને એસપી (મુખ્યાલય) દ્વારા ટેકો આપવામાં આવશે. તેમણે કહ્યુ કે પ્રથમ તબક્કામાં ગાઝીપુર અને બારાબંકીમાં નાર્કોટિક સ્ટેશન તરીકે ઓળખાતા બે પોલીસ સ્ટેશન પણ બનાવવામાં આવશે. કુમારે વધુમાં જણાવ્યુ હતુ કે નાર્કોટિક્સ કંટ્રોલ બ્યુરો (NCB) અને ડિરેક્ટોરેટ ઑફ રેવન્યુ ઈન્ટેલિજન્સ (DRI)ના અધિકારીઓને પણ ડેપ્યુટેશન પર ફોર્સમાં સેવા આપવા માટે બોલાવવામાં આવશે.
Click it and Unblock the Notifications
Sign in with Google
