Vice President Election : સીપી રાધાકૃષ્ણન દેશના 15માં ઉપરાષ્ટ્રપતિ બન્યા
Vice President Election : ભારતને તેના 15મા ઉપરાષ્ટ્રપતિ મળી ગયા છે. ચૂંટણીમાં નેશનલ ડેમોક્રેટિક એલાયન્સ (NDA)ના ઉમેદવાર સીપી રાધાકૃષ્ણન (CP Radhakrishnan)નો વિજય થયો છે.
68 વર્ષીય સીપી રાધાકૃષ્ણન દેશના આગામી ઉપરાષ્ટ્રપતિ તરીકે સેવા આપશે. આ પદ જગદીપ ધનખડના રાજીનામા બાદ ખાલી પડ્યું હતું.
સંસદ ભવનમાં 9 સપ્ટેમ્બરે સવારે 10 થી સાંજે 5 વાગ્યા સુધી થયેલા મતદાનમાં કુલ 767 સાંસદોએ ભાગ લીધો હતો. મત ગણતરી બાદ 752 મતોને માન્ય ગણવામાં આવ્યા, જ્યારે 15 મત અમાન્ય જાહેર થયા.
પરિણામો અનુસાર, સીપી રાધાકૃષ્ણને 452 મતો મેળવીને પ્રભાવશાળી જીત હાંસલ કરી છે. તેમના વિરોધમાં ઊભેલા INDIA બ્લોકના ઉમેદવાર બી સુદર્શન રેડ્ડીને માત્ર 300 મતો મળ્યા.
રાજ્યસભાના મહાસચિવ પીસી મોદીએ આ પરિણામોની જાહેરાત કરતા જણાવ્યું કે, NDAના ઉમેદવાર અને મહારાષ્ટ્રના રાજ્યપાલ સીપી રાધાકૃષ્ણનને 452 મતો મળ્યા છે અને તેઓ ભારતના ઉપરાષ્ટ્રપતિ તરીકે ચૂંટાયા છે.
ઉલ્લેખનીય છે કે, સંસદમાં કુલ 781 સાંસદો મત આપી શકતા હતા, પરંતુ 13 સાંસદો મતદાનથી દૂર રહ્યા હતા, જેમાં બીઆરએસ, બીજેડી, શિરોમણી અકાલી દલ અને એક અપક્ષ સાંસદનો સમાવેશ થાય છે.
Click it and Unblock the Notifications
Sign in with Google
