Video: 4 વર્ષની બાળકીને કૂતરાઓએ ઘેરીને કર્યો હુમલો, જુઓ કેવી રીતે બચ્યો જીવ?

મધ્ય પ્રદેશની રાજધાની ભોપાલમાં રખડતા કૂતરાના આતંકનો હ્રદય કંપાવી દેતો વીડિયો સામે આવ્યો છે.

ભોપાલઃ મધ્ય પ્રદેશની રાજધાની ભોપાલમાં રખડતા કૂતરાના આતંકનો હ્રદય કંપાવી દેતો વીડિયો સામે આવ્યો છે. કૂતરાના ઝુંડે ચાર વર્ષની એક માસૂમ બાળકીને ઘેરીને તેના પર હુમલો કરી દીધો. જેના કારણે તે ગંભીર રીતે ઘાયલ થઈ ગઈ. બાળકીના માથા, કાન અને હાથમાં જખમ થયા છે. સાથે જ તેના ચહેરા, પેટ, કમર અને ખભા પર પણ ઘા થયા છે. આખી ઘટના વિસ્તારમાં લાગેલા સીસીટીવી કેમેરામાં કેદ થઈ ગઈ. આ ઘટનાને લઈને હવે રાજ્ય માનવ અધિકાર આયોગ દ્વારા નગર નિગમ ભોપાલ અને જિલ્લાના આરોગ્ય અધિકારીઓને નોટિસ પાઠવવામાં આવી છે.

નિર્માણીધીન મકાનની બહાર રમી રહી હતી બાળકી

મામલો ગયા શનિવારની સાંજનો બતાવવામાં આવી રહ્યો છે. માહિતી મુજબ નિર્માણાધીન મકાનમાં બાળકીના પિતા રાજેશ બંસલ મજૂરી કરે છે. શનિવારે સાંજે ચાર વર્ષની બાળકી ગુડ્ડી ત્યાં રમતી હતી ત્યારે રખડતા કૂતરાઓના એક ઝૂંડે બાળકીને દોડાવી. કૂતરાથી બચવા માટે બાળકી પણ દોડી પરંતુ કૂતરાના ઝુંડે તેને ઘેરી લીધી અને હુમલો કરી દીધો.

કૂતરાઓએ બાળકીને બચકા ભર્યા, એક યુવકે બચાવ્યો જીવ

કૂતરાએ બાળકીને બચકાં ભરવાનુ શરુ કરી દીધુ. બાળકીની ચીસાચીસ સાંભળીને એક યુવક ત્યાં પહોંચ્યો અને પત્થરો મારીને કૂતરાઓને ભગાડ્યા. ત્યારબાદ લોહીલુહણ હાલતમાં ગુડ્ડીને જેપી હૉસ્પિટલ પહોંચાડવામાં આવી. અહીંથી તેને હમીદિયા હૉસ્પિટલમાં રિફર કરવામાં આવી. ડૉક્ટરોએ બાળકીને ઈલાજ બાદ ઘરે મોકલી દીધી.

માનવ અધિકાર આયોગે જાહેર કરી નોટિસ, માંગ્યો જવાબ

આ મામલે જાણવાજોગ લઈને મધ્ય પ્રદેશ માનવ અધિકાર આયોગે નગર નિગમ કમિશ્નર ભોપાલ અને જિલ્લા પ્રશાસન ભોપાલના આરોગ્ય વિભાગના અધિકારીઓ પાસેથી આવતા સાત દિવસમાં આ ઘટના પર જવાબ માંગ્યો છે. આયોગ તરફથી નગર નિગમ અને કમિશ્નર ભોપાલને આ મુદ્દે વિસ્તૃત માહિતી આપવા માટે કહેવામાં આવ્યુ છે.

Horrific! Stray dogs mauled a 4 year old girl in Bhopal a passerby threw stones at the dogs and chased them away. The child has been hospitalized with severe injuries. pic.twitter.com/X4EyruZxra

— Anurag Dwary (@Anurag_Dwary) January 2, 2022

English summary

Video: 4 Years old girl bitten and dragged by stay dogs.