Video: એલ્વિશ યાદવે રેવ પાર્ટી-FIR પર તોડ્યુ મૌન, કહ્યુ - યોગીજી, જો ભૂલ નીકળી તો હું સંપૂર્ણપણે...
Elvish Yadav On Rave Party And Snake Venom: બિગ બૉસ OTT-2 વિજેતા અને પ્રખ્યાત યુટ્યુબર એલ્વિશ યાદવે રેવ પાર્ટી અને સાપના નશાના આરોપો પર પોતાનું મૌન તોડ્યું છે. નોઈડા પોલીસે આ મામલામાં એલ્વિશ યાદવ વિરુદ્ધ FIR દાખલ કરી છે.
એલ્વિશ યાદવે શુક્રવારે (03 નવેમ્બર) પોતાના ઈન્સ્ટાગ્રામ પર એક વીડિયો જાહેર કરીને આ તમામ આરોપોને નકારી કાઢ્યા છે. એલ્વિશ યાદવે કહ્યું છે કે તેમના પર નોઈડામાં રેવ પાર્ટી યોજવા, વિદેશી યુવતીઓને બોલાવવા અને સાપના ઝેરનો નશો કરવાના તમામ આરોપો પાયાવિહોણા છે. તેને આવી કોઈ પાર્ટી સાથે કોઈ લેવાદેવા નથી.
એલ્વિશ યાદવે કહ્યું, "મારી સામેના તમામ આરોપો પાયાવિહોણા છે. તમામ આરોપો ખોટા છે. આરોપોમાં એક ટકા પણ સત્ય નથી. મારું નામ બદનામ કરશો નહીં. હું યુપી પોલીસને સહકાર આપવા તૈયાર છું. જો 1 ટકા પણ આરોપો સાચા સાબિત થશે તો હું જવાબદારી લઈશ.
ઉત્તર પ્રદેશના મુખ્યમંત્રી યોગી આદિત્યનાથ અને યુપી પોલીસને સંબોધતા એલ્વિશ યાદવે કહ્યું કે, હું યોગીજી અને યુપી પોલીસને કહેવા માંગુ છું કે જો આ બધી બાબતોમાં મારી એક ટકા પણ ભૂલ જોવા મળશે તો હું સંપૂર્ણ જવાબદારી લઈશ. હું તૈયાર છું. હું પ્રશાસન અને યુપી પોલીસને સહકાર આપવા તૈયાર છું.''
એલ્વિશ યાદવે કહ્યું કે, જ્યારે હું સવારે ઉઠ્યો ત્યારે મેં આ બધા સમાચાર જોયા કે હું ડ્રગ્સ લઉં છું. મારી ધરપકડ કરવામાં આવી છે. પરંતુ આ બધુ ફેક છે. હું મીડિયાને વિનંતી કરવા માંગુ છું કે નક્કર પુરાવા વિના મારી વિરુદ્ધ ધરપકડના આવા સમાચાર પ્રકાશિત ન કરે. આ આરોપો સાથે મારે 100 માઈલ સુધી કોઈ લેવાદેવા નથી. મહેરબાની કરીને મારું નામ બદનામ કરશો નહીં, જો આ આરોપો સાબિત થશે તો હું જવાબદારી લેવા તૈયાર છું.
Click it and Unblock the Notifications
Sign in with Google
