લોકસભા ચૂંટણીના પરિણામો આ ન્યૂઝ ચેનલ્સ પર જુઓ લાઇવ..

Published: Friday, May 16, 2014, 13:34 [IST]

નવી દિલ્હી, 16 મે: 16મી લોકસભાના નિર્માણ માટે આજે પરિણામ જાહેર થઇ રહ્યા છે, જેમાં દેશભરના લોકોની નજર પરિણામો પર છે કે આખરે કઇ પાર્ટી આ વખતે સરકાર બનાવશે. આખી ચૂંટણી દરમિયાન જોકે ગુજરાતના મુખ્યમંત્રી અને ભાજપના વડાપ્રધાન પદના ઉમેદવાર નરેન્દ્ર મોદીની લહેર દેશભરમાં જોવા મળી હતી. અને આવી રહેલા પરિણામો અનુસાર આ લહેર મોદી તરફી હતી તે સાબિત થઇ રહ્યું છે. ભાજપ અત્યાર સુધી એવો દાવો કરતું આવ્યું છે કે તેમની પાર્ટીને 272 જેટલી બેઠકો મળશે, એ હિસાબે ભાજપ 278 બેઠક પર આગળ ચાલી રહ્યું છે.

જ્યારે કોંગ્રેસ પણ એવું કહેતું આવ્યું છે કે આ વખતે પણ યુપીએની જ સરકાર બનશે, જોકે આવી રહેલા પરિણામો પરથી આ વખતે કોંગ્રેસની ઐતિહાસિક હાર થવા જઇ રહી છે. આ બંને સૌથી મોટી પાર્ટીઓની વચ્ચે નવી આમ આદમી પાર્ટી પણ પોતાની જીતનો રાગ આલાપી રહી હતી. જોકે આ તમામ પાર્ટીઓના ભાગ્યનો નિર્ણય દેશની જનતાએ કરી દીધો છે આજે એ નિર્ણયની જાહેરાતનો દિવસ છે. અત્યાર સુધીનો ટ્રેન્ડ સ્પષ્ટપણે ભાજપને બહુમતી દર્શાવી રહ્યો છે.

વિવિધ ન્યૂઝ ચેનલ્સ લાઇવ કવરેજ આપી રહી છે. જુઓ કયા રાજ્યમાં કઇ પાર્ટીની શું હાલત છે, એ પણ લાઇવ. સ્લાઇડરમાં આપ વિવિધ ન્યૂઝ ચેનલ્સનું લાઇવ ટેલિકાસ્ટ જોઇ શકો છો.