Wayanad Bypoll 2024 : કોણ છે વાયનાડમાં પ્રિયંકા ગાંધીને ટક્કર આપવા જઈ રહેલી નવ્યા હરિદાસ?
Wayanad Bypoll 2024 : રાહુલ ગાંધીએ વાયનાડ સીટ છોડ્યા બાદ હવે અહીંથી પ્રિયંકા ગાંધી મેદાનમાં ઉતરી છે. પેટા ચૂંટણીમાં પ્રિયંકા ગાંધીને બીજેપી તરફથી નવ્યા હરિદાસ ટક્કર આપવા જઈ રહી છે.
મહારાષ્ટ્ર અને ઝારખંડમાં પેટા ચૂંટણી સાથે વાયનાડ લોકસભા સીટ પર પણ પેટા ચૂંટણી યોજાઈ રહી છે. બીજેપીએ અહીંથી પ્રિયંકા ગાંધી સામે નવ્યા હરિદાસને ટિકિટ આપી છે.
નવ્યા હરિદાસ બીજેપી મહિલા મોરચાના પ્રદેશ મહાસચિવ છે અને કોઝિકોડ કોર્પોરેશનમાં બે વખત કાઉન્સિલર રહી ચુકી છે. આ સિવાય તેણી કોર્પોરેશનમાં ભાજપ સંસદીય દળના નેતા છે. તે 2021 માં યોજાયેલી છેલ્લી વિધાનસભા ચૂંટણીમાં કોઝિકોડ દક્ષિણ મતવિસ્તારમાંથી NDA ની ઉમેદવાર હતા.
નવ્યા હરિદાસ 39 વર્ષની છે અને તેના પતિનું નામ શોભિન શ્યામ છે. નવ્યા વ્યવસાયે મિકેનિકલ એન્જિનિયર છે. તેણીએ 2007માં કાલિકટ યુનિવર્સિટીની KMCT એન્જિનિયરિંગ કૉલેજમાંથી B.Tech ડિગ્રી મેળવી છે અને તે કોઝિકોડ કોઓપરેટિવમાંથી કાઉન્સિલર રહી ચૂકી છે.
2021 વિધાનસભા ચૂંટણીમાં ભાજપે કોઝિકોડ દક્ષિણ (કેરળ) મતવિસ્તારમાંથી નવ્યાને મેદાનમાં ઉતાર્યા હતા. પરંતુ આ ચૂંટણીમાં તેમને હારનો સામનો કરવો પડ્યો.
2021માં કેરળ વિધાનસભા ચૂંટણીમાં ભાજપે કોઝિકોડ દક્ષિણ વિધાનસભા બેઠક પરથી નવ્યાને ટિકિટ આપી પરંતુ ત્રીજા ક્રમે રહી હતી. ઈન્ડિયન નેશનલ લીગના અહેમદ દેવરકોવિલે ઈન્ડિયન યુનિયન મુસ્લિમ લીગના નૂરબીના રશીદને 12459 મતોના માર્જિનથી હરાવ્યા. ત્રીજા ક્રમે નવ્યાને 24,873 મત મળ્યા હતા.
Click it and Unblock the Notifications
Sign in with Google
