Weather News: દેશના આ રાજ્યોમાં ભારેથી અતિભારે વરસાદની આગાહી, IMDએ આપ્યું એલર્ટ
Weather News: આગામી 7 દિવસ સુધી પૂર્વોત્તર અને તેની આસપાસના પૂર્વી ભારતમાં ભારે વરસાદની આગાહી કરવામાં આવી છે. 2 ઓગસ્ટના દિવસે આસામ અને મેઘાલમાં ભારેથી અતિભારે વરસાદની આગાહી કરવામાં આવી છે. 1 ઓગસ્ટે પૂર્વી રાજસ્થાનમાં પણ અત્યંત ભારે વરસાદને લઈ રેડ એલર્ટ આપવામાં આવ્યું છે. હવામાન વિભાગ દ્વારા મધ્યપ્રદેશ અને રાજસ્થાનના કેટલાક જિલ્લાઓમાં ભારે વરસાદને લઈ રેડ એલર્ટ આપવામાં આવ્યું છે.
રાજસ્થાન અને મધ્યપ્રદેશમાં ભારે વરસાદ વરસી રહ્યો છે. આગામી દિવસોમાં પણ અત્યંત ભારે વરસાદની આગાહીને પગલે હવામાન વિભાગ દ્વારા ચેતવણી આપવામાં આવી છે.
પૂર્વોત્તર ભારતની વાત કરીએ તો ઓગસ્ટમાં આસામ, મેઘાલયમાં અલગ-અલગ સ્થળો પર અત્યંત ભારે વરસાદ વરસી શકે છે. આગામી 6 ઓગસ્ટ સુધી અરુણાચલ પ્રદેશ, આસામ, મણિપુર, મિઝોરમ, ત્રિપુરા, મેઘાલય, નાગાલેન્ડમાં સામાન્યથી લઈ મધ્યમ વરસાદ વરસી શકે છે.
31 જૂલાઈથી લઈને 6 ઓગસ્ટ સુધી હિમાચલ પ્રદેશ, ઉત્તરાખંડમાં ભારે વરસાદની શક્યતા છે. આ સિવાય 3 અને 4 ઓગસ્ટે પંજાબમાં અને 5 ઓગસ્ટે હરિયાણામાં વરસાદની શક્યતા છે. આગામી 6 ઓગસ્ટ સુધીમાં પૂર્વી રાજસ્થાનના કેટલાક વિસ્તારોમાં અત્યંત ભારે વરસાદનું એલર્ટ છે.
દિલ્હી-NCRમાં 4 ઓગસ્ટ સુધી મધ્યમથી ભારે વરસાદની આગાહી છે. પાણી ભરાઈ શકે છે અને ટ્રાફિક જામ થઈ શકે છે.
રાજધાની દિલ્હીમાં છેલ્લા કેટલાય દિવસથી વરસાદી માહોલ જામ્યો છે. અલગ અલગ વિસ્તારોમાં ગઇ કાલથી વરસાદ ધીમી ધારે અવિરત પણે વરસી રહ્યો છે. આજે વહેલી સવારથી જોરબાગ વિસ્તારમાં વરસાદ વરસી રહ્યો છે.
ઉત્તરાખંડના નૈનિતાલ, ચંપાવત, પિથોરાગઢ, બાગેશ્વરમાં ભારે વરસાદ માટે ઓરેન્જ એલર્ટ જારી કરવામાં આવ્યું છે, જ્યારે તેહરી, પૌરી, દેહરાદૂનમાં યલો એલર્ટ જારી કરવામાં આવ્યું છે.
હિમાચલ પ્રદેશના કુલ્લુ, કાંગડા, મંડી અને શિમલા જેવા જિલ્લાઓમાં 31 જુલાઈ સુધી ભારે વરસાદ માટે ઓરેન્જ એલર્ટ જારી કરવામાં આવ્યું છે. ભૂસ્ખલન અને અચાનક પૂરની શક્યતાને કારણે લોકોને સતર્ક રહેવાની સલાહ આપવામાં આવી છે. 31 જુલાઈ પછી ચોમાસું નબળું પડી શકે છે.
સારણ, બેગુસરાય, માધેપુરા, પશ્ચિમ ચંપારણ, મુઝફ્ફરપુર, સિવાન, પટના અને બિહારના અન્ય જિલ્લાઓમાં ભારે વરસાદ અને વાવાઝોડાની ચેતવણી આપવામાં આવી છે.
Rain News: હવામાનશાસ્ત્રીઓના મતે, બંગાળની ખાડીમાં એક નવા લો પ્રેશર ક્ષેત્રના સક્રિય થવાને કારણે ચોમાસાની ગતિવિધિઓ વધુ તીવ્ર બની છે. આ સ્થિતિ 31 જુલાઈ સુધી ચાલુ રહેવાની શક્યતા છે, ત્યારબાદ કેટલાક વિસ્તારોમાં વરસાદની તીવ્રતા ઓછી થઈ શકે છે. લોકોને હવામાન વિભાગની નવીનતમ માહિતી પર નજર રાખવા અને કોઈપણ કટોકટીની સ્થિતિમાં સ્થાનિક વહીવટીતંત્રની માર્ગદર્શિકાનું પાલન કરવાની અપીલ કરવામાં આવે છે.
Click it and Unblock the Notifications
Sign in with Google
