Weather Update: દિલ્લી-એનસીઆરમાં ગાઢ ધૂમ્મસ, ઘણા રાજ્યોમાં રેડ એલર્ટ, ટ્રેનો-ફ્લાઈટો લેટ
સમગ્ર ઉત્તર-પશ્ચિમ ભારત કોલ્ડવેવની ચપેટમાં છે. દિલ્લી-એનસીઆરમાં ગાઢ ધૂમ્મસથી જનજીવન ખોરવાયુ છે. જાણો હવામાન અપડેટ.
Weather Update: રાજધાની દિલ્લી સહિત સમગ્ર ઉત્તર-પશ્ચિમ ભારત કોલ્ડવેવની ચપેટમાં છે. આજે પણ ગાઢ ધૂમ્મસના કારણે જનજીવન ખોરવાયુ છે. 36 ટ્રેનો મોડી ચાલી રહી છે. વળી, દિલ્લી એરપોર્ટના જણાવ્યા મુજબ દિલ્લીથી ઉડાન ભરતી અને અહીં લેન્ડ કરનારી ઘણા ફ્લાઈટો પણ લેટ ચાલી રહી છે. સોમવારે દિલ્લીનુ લઘુત્તમ તાપમાન 3.8 ડિગ્રી સેલ્સિયસ નોંધવામાં આવ્યુ હતુ. જે સામાન્યથી 3 ડિગ્રી ઓછુ હતુ.
5 દિવસથી કોલ્ડવેવનો કહેર યથાવત
તમને જણાવી દઈએ કે દિલ્લીમાં સતત 5 દિવસથી કોલ્ડવેવનો પ્રકોપ યથાવત છે. હવામાન વિભાગના જણાવ્યા મુજબ વર્ષ 2013 પછી આ પહેલી વાર જાન્યુઆરીમાં પાંચ દિવસ સતત કોલ્ડવેવને કહેર યથાવત છે. દિલ્લીમાં 6 જાન્યુઆરીએ તાપમાન 4 ડિગ્રી, 7 જાન્યુઆરીએ 2.2 ડિગ્રી, 8 જાન્યુઆરીએ 1.9 ડિગ્રી નોંધવામાં આવ્યુ હતુ. જે 1 જાન્યુઆરી 2021 પછીનો દિલ્લીનો સૌથી ઠંડો દિવસ હતો.
|
ટ્રેનો અને ફ્લાઈટો લેટ
રેલવેના જણાવ્યા મુજબ 36 ટ્રેનો વિલંબથી ચાલી રહી છે. જેના કારણે મુસાફરોને મુશ્કેલી પડી રહી છે. વળી, આજે દિલ્લી-કાઠમંડૂ, દિલ્લી-જયપુર, દિલ્લી-શિમલા, દિલ્લી-દહેરાદૂન, દિલ્લી-ચંદીગઢ-કુલ્લુ ઉડાનો લેટ છે. વળી, મંગળવારના પૂર્વાનુમાન મુજબ દિલ્લી-એનસીઆરમાં આજે પણ ગાઢ ધૂમ્મસ છવાયેલુ રહેશે. મહત્તમ તાપમાન 19 ડિગ્રી આસપાસ રહેશે. જ્યારે લઘુત્તમ તાપમાન 5 ડિગ્રી આસપાસ રહેવાનુ અનુમાન છે. બુધવારે મહત્તમ 19 ડિગ્રી અને લઘુત્તમ 6 ડિગ્રી આસપાસ રહેવાનુ અનુમાન હવામાન વિભાગ દ્વારા વ્યક્ત કરવામાં આવ્યુ છે.
આ રાજ્યોમાં ઠંડી માટે રેડ એલર્ટ
આ ઉપરાંત હવામાન વિભાગે મંગળવાર માટે પંજાબ, હરિયાણા, ચંદીગઢ અને ઉત્તરાખંડમાં અલગ-અલગ જગ્યાએ ભીષણ ઠંડીની ચેતવણી જાહેર કરી છે. આ રાજ્યોમાં રેડ એલર્ટ આપવામાં આવ્યુ છે. ઘણા શહેરોમાં ગાઢ ધૂમ્મસના કારણે વિઝિબિલિટી ઘટીને માત્ર 25 મીટર રહી ગઈ છે. પંજાબના ભટિંડા અને અંબાલા, ઉત્તર પ્રદેશના આગ્રા અને હરિયાણા અને ચંદીગના અમુક વિસ્તારોમાં દ્રશ્યતા શૂન્ય સુધી પહોંચી ગઈ અને પટિયાલા, ચંદીગઢ, અંબાલા, ભિવાની, દિલ્લીના સફદરગંજ, રિજ, ગંગાનગર, વારાણસી, ફુર્સતગંજ અને ભાગલપુરમાં 25 મીટર, વળી, હિસાર, કરનાલ, પાલમ, મેરઠ, લખનઉ, બહરાઈચ અને પટનામાં દ્રશ્યતા 50 મીટર રહી.
Click it and Unblock the Notifications
Sign in with Google
