Cyclone Tauktae નબળુ પડ્યુ, યુપી-ઉત્તરાખંડના હવામાન પર IMDએ આપી મોટી અપડેટ
વાવાઝોડુ હવે નબળુ પડી ગયુ છે, તેની અસર હવે વધુ નહિ રહે પરંતુ...
નવી દિલ્લીઃ વાવાઝોડુ 'તૌકતે'એ જબરદસ્ત રીતે દેશમાં વિનાશ વેર્યો છે. વાવાઝોડાની અસર એ રાજ્યો પર પણ પડી છે જ્યાં તેણે દસ્તક નહોતી આપી. પરંતુ હવે તેની ચાલ ધીમી પડી ગઈ છે. IMD વૈજ્ઞાનિક રાજેન્દ્ર કુમારે કહ્યુ છે કે, 'વાવાઝોડુ હવે નબળુ પડી ગયુ છે, તેની અસર હવે વધુ નહિ રહે પરંતુ અમુક જગ્યાએ તેની સક્રિયતા રહેશે જેના કારણે વરસાદ થશે'.
વાવાઝોડાની અસર યુપીમાં ચાલુ રહેશે
વળી, વાવાઝોડાની અસર યુપીમાં ચાલુ રહેશે અને અહીં ભારે વરસાદ થવાના અણસાર છે. જ્યારે ઉત્તરાખંડ પર પણ આની એક દિવસની અસર રહેશે જેના કારણે ઉત્તરાખંડમાં વધુ એક દિવસ ભારે વરસાદ થશે.
ઉત્તરાખંડમાં રેડ એલર્ટ
તમને જણાવી દઈએ કે ઉત્તરાખંડમાં રેડ એલર્ટ આપેલુ છે. અહીંના બદરીનાથ અને કેદારનાથ ધામમાં જોરદાર હિમવર્ષા થઈ રહી છે. ઉત્તરકાશી, ચમોલી, પિથોરાગઢ, દહેરાદૂન, ટિહરી, રુદ્રપ્રયાગ, પૌડી, બાગેશ્વર, નૈનીતાલ, હરિદ્વારમાં ભારે વરસાદની સંભાવના છે.
યુપીના આ શહેરોમાં થઈ શકે છે વરસાદ
વળી, યુપીના પીલીભીત, બરેલી, રામપુર, મુરાદાબાદ, અમરોહા, બિજનૌર અને સહારનપુરમાં ભારે વરસાદની સંભાવના છે. જ્યારે લખનઉ, રાયબરેલી, પ્રતાપગઢ, પ્રયાગરાજ અને સુલતાનપુર, વારાણસીમાં પણ હળવાથી મધ્યમ વરસાદના અણસાર છે. પશ્ચિમી ઉત્તર પ્રદેશ, હિમાચલ પ્રદેશ, હરિયાણા, ચંદીગઢ, પૂર્વોત્તર રાજસ્થાન અને ઉત્તરી મધ્ય પ્રદેશમાં અલગ અલગ સ્થળોએ ભારે વરસાદ થઈ શકે છે.
Click it and Unblock the Notifications
Sign in with Google
