Weather Update: પહાડો પર હિમવર્ષાના અણસાર, આંધી-તોફાનના કારણે વધી ઠંડી, જાણો આજનુ હવામાન
Weather Update: ફરી એકવાર હવામાનનો મિજાજ બદલાયો છે. પહાડોમાં હિમવર્ષાની અસર મેદાની વિસ્તારોમાં સીધી દેખાઈ રહી છે. દિલ્હી NCR સહિત ઉત્તર ભારતમાં વરસાદને કારણે ઠંડી વધી છે. તોફાન અને કરાનાં કારણે દિલ્હીથી બિહાર સુધી ઠંડી વધી ગઈ છે. આવી સ્થિતિમાં આવો જાણીએ આજના હવામાનની આગાહી.
વેસ્ટર્ન ડિસ્ટર્બન્સના કારણે ઉચ્ચ હિમાલયના વિસ્તારોમાં સારી હિમવર્ષા થઈ રહી છે. જેની સીધી અસર મેદાની વિસ્તારોમાં જોવા મળી રહી છે. આજના હવામાનની વાત કરીએ તો હવામાં ભેજ રહેશે, પરંતુ વરસાદની કોઈ શક્યતા નથી.
5 અને 6 માર્ચે જમ્મુ-કાશ્મીર, ઉત્તરાખંડ અને હિમાચલ પ્રદેશમાં હળવા વરસાદની સાથે હિમવર્ષા થવાની સંભાવના છે. આગામી 24 કલાકમાં છત્તીસગઢ, ઝારખંડ અને પશ્ચિમ બંગાળમાં છૂટાછવાયા પરંતુ હળવી ગતિવિધિની શક્યતા છે.
દિલ્હીમાં આજે હવામાન સ્વચ્છ રહેશે. મંગળવારે હળવા સૂર્યપ્રકાશની સાથે વાદળછાયું વાતાવરણ રહેશે. હવામાન વિભાગના જણાવ્યા અનુસાર આ સમગ્ર સપ્તાહમાં દિલ્હીનું તાપમાન 13થી 16 ડિગ્રીની વચ્ચે રહેવાની સંભાવના છે.
વળી, પંજાબ, હરિયાણા, દિલ્હી, રાજસ્થાન અને ઉત્તર પ્રદેશ સહિત ઘણા રાજ્યોમાં લઘુત્તમ તાપમાનમાં નોંધપાત્ર ઘટાડો જોવા મળી રહ્યો છે, જેના કારણે ઠંડી વધી રહી છે. મહત્તમ તાપમાન એટલે કે દિવસના તાપમાનમાં 2થી 4 ડિગ્રી સેલ્સિયસનો ઘટાડો જોવા મળ્યો છે.
હવામાન વિભાગના જણાવ્યા અનુસાર 5 માર્ચે મોડી રાત્રે વધુ એક વેસ્ટર્ન ડિસ્ટર્બન્સની શક્યતા છે. જો કે તેની અસર માત્ર પર્વતો સુધી જ સીમિત રહેશે. જ્યારે મેદાની વિસ્તારોમાં આગામી 3-4 દિવસ સુધી પવન ફૂંકાઈ શકે છે. 5 માર્ચ અને આવતીકાલે 6 માર્ચે કેટલાક વાદળો રહેશે જેના કારણે સૂર્યપ્રકાશ થોડો ઓછો થશે. જો કે આ સપ્તાહ દરમિયાન વરસાદની કોઈ શક્યતા નથી. પરંતુ આગામી સપ્તાહે ફરી એકવાર હવામાનમાં ફેરફાર થઈ શકે છે.
Click it and Unblock the Notifications
Sign in with Google
