Weather Update: હવામાન વિભાગે માર્ચથી મે સુધી ગરમી માટે જાહેર કર્યુ એલર્ટ, સમય પહેલા લાગશે ભયંકર લૂ
Weather Update: ભારતીય હવામાન વિભાગ (IMD) એ માર્ચથી મે 2024 માટે તેનુ પૂર્વાનુમાન જાહેર કર્યુ છે. આ આગાહી અનુસાર, આ સમયગાળા દરમિયાન હવામાન ગરમ રહેવાની ધારણા છે. IMDએ જણાવ્યું છે કે માર્ચ અને મે વચ્ચે દેશના મોટાભાગના ભાગોમાં મહત્તમ તાપમાન સામાન્ય કરતા વધુ રહેવાની ધારણા છે.
માર્ચથી મે સુધી, ઉત્તર-પૂર્વ ભારત, પશ્ચિમ હિમાલયન ક્ષેત્ર, દક્ષિણ-પશ્ચિમ દ્વીપકલ્પ અને પશ્ચિમ કિનારા સિવાય દેશના મોટાભાગના ભાગોમાં લૂના દિવસોની સંખ્યા સામાન્ય કરતાં વધુ રહેવાની શક્યતા છે.
હવામાન વિભાગે દેશના મોટા ભાગના ભાગોમાં ખાસ કરીને રાજસ્થાન, ગુજરાત, હરિયાણા, પંજાબ, મધ્યપ્રદેશ, મહારાષ્ટ્ર, ઉત્તર પ્રદેશ, બિહાર, ઝારખંડ, પશ્ચિમ બંગાળ, ઓડિશા, છત્તીસગઢ, તેલંગાણા, આંધ્રપ્રદેશ, કર્ણાટક, અને તમિલનાડુના અમુક ભાગોમાં હીટવેવના દિવસોની સંખ્યામાં વધારો થવાની શક્યતા પણ દર્શાવી છે.
તેમાં કહેવામાં આવ્યું છે કે પૂર્વોત્તર દ્વીપકલ્પના ભારતના ઘણા ભાગો - તેલંગાણા, આંધ્રપ્રદેશ અને ઉત્તર આંતરિક કર્ણાટક, મહારાષ્ટ્ર અને ઓડિશામાં સામાન્ય દિવસો કરતાં વધુ ગરમ રહેવાની સંભાવના છે.
માર્ચ માટે, હવામાન વિભાગે આગાહી કરે છે કે દેશમાં સામાન્ય કરતાં વધુ વરસાદ પડશે. ઉત્તર-પશ્ચિમ પ્રદેશના મોટાભાગના વિસ્તારોમાં સામાન્યથી વધુ વરસાદની અપેક્ષા છે, જ્યારે દક્ષિણ દ્વીપકલ્પના દૂરના દક્ષિણ-પૂર્વીય વિસ્તારો અને ઉત્તરપૂર્વના ભાગોમાં સામાન્યથી ઓછા વરસાદની આગાહી કરવામાં આવી છે.
હવામાન વિભાગ અનુસાર, માર્ચમાં ઉત્તર અને મધ્ય ભારતમાં હીટવેવની સ્થિતિની અપેક્ષા નથી. વધુમાં, કુલ આઠ વેસ્ટર્ન ડિસ્ટર્બન્સ - ભૂમધ્ય પ્રદેશમાં અને તેનાથી આગળ ઉદ્ભવતા ચક્રવાતી તોફાનો - ફેબ્રુઆરીમાં પશ્ચિમ હિમાલયના રાજ્યોમાં હવામાનને અસર કરી હતી.
Click it and Unblock the Notifications
Sign in with Google
