Weather Update: દેશમાં આ જગ્યાએ આંધી-વીજળી, વરસાદની સંભાવના, જાણો આજનુ હવામાન
Weather Update: ભારતીય હવામાન વિભાગ (IMD) એ કહ્યું છે કે માર્ચમાં હજુ થોડા દિવસો સુધી હવામાન ખુશનુમા રહેશે. સમયાંતરે ગરમીનો અહેસાસ થશે પરંતુ સવારે અને રાત્રે વાતાવરણ સામાન્ય રહેશે.
હવામાન વિભાગે આગામી ચાર દિવસ દરમિયાન જમ્મુ અને કાશ્મીર, લદ્દાખ, ગિલગિટ-બાલ્ટિસ્તાન, મુઝફ્ફરાબાદ અને હિમાચલ પ્રદેશમાં હળવા વરસાદ તેમજ હિમવર્ષાની આગાહી કરી છે. હવામાન વિભાગે કહ્યું છે કે આ વિસ્તારમાં 12 અને 13 માર્ચે આંધી અને વીજળી પણ પડી શકે છે.
હવામાન વિભાગે એમ પણ કહ્યું કે રાયલસીમા, તમિલનાડુ, પુડુચેરી, કરાઈકલ, કેરળ અને માહેમાં આગામી 2 દિવસ દરમિયાન હવામાન ગરમ અને સૂકું રહેશે.
હવામાન કચેરીએ 11-14 માર્ચ દરમિયાન પંજાબમાં અને 13 માર્ચે હરિયાણા, ઉત્તર પ્રદેશ અને રાજસ્થાનમાં છૂટાછવાયા વરસાદની આગાહી કરી છે. હવામાન વિભાગે 11 અને 13 માર્ચે પંજાબ અને 13 માર્ચે હરિયાણામાં અલગ-અલગ વાવાઝોડા અને વીજળીની આગાહી પણ કરી છે.
ઉત્તર પૂર્વ ભારતમાં, 13 અને 14 માર્ચે આસામ, મેઘાલય, નાગાલેન્ડ, મણિપુર, મિઝોરમ અને ત્રિપુરામાં છૂટાછવાયા સ્થળોએ હળવા વરસાદની અપેક્ષા છે. કેરળ અને માહેમાં પણ 9-11 માર્ચ દરમિયાન વરસાદ પડી શકે છે.
દિલ્હી હવામાન વિભાગના જણાવ્યા અનુસાર આજે દિલ્હીમાં આંશિક વાદળછાયું વાતાવરણ રહેશે. દિલ્હીમાં આજે લઘુત્તમ તાપમાન 11ની આસપાસ અને મહત્તમ તાપમાન 28 ડિગ્રી સેલ્સિયસની આસપાસ રહેવાની ધારણા છે. સેન્ટ્રલ પોલ્યુશન કંટ્રોલ બોર્ડ અનુસાર, દિલ્હીમાં એર ક્વોલિટી ઈન્ડેક્સ (AQI) 'મધ્યમ' શ્રેણીમાં છે.
હવામાન વિભાગે કહ્યું કે અરુણાચલ પ્રદેશમાં 9થી 13 માર્ચ દરમિયાન છૂટોછવાયો વરસાદ અથવા હિમવર્ષા થઈ શકે છે અને 14 અને 15 માર્ચે છૂટાછવાયા હળવા વરસાદ અથવા હિમવર્ષા થઈ શકે છે. આજે (11 માર્ચ) અને 12 માર્ચે ઉત્તરાખંડમાં હળવાથી મધ્યમ વરસાદ અથવા હિમવર્ષા થઈ શકે છે. 13 અને 14 માર્ચે પણ વરસાદ અને હિમવર્ષાનું એલર્ટ છે. 13 માર્ચે છૂટાછવાયા ગાજવીજ અને વીજળી પડવાની પણ શક્યતા છે.
Click it and Unblock the Notifications
Sign in with Google
