Weather Update: હિમાચલમાં હિમવર્ષા, કેરળ-કર્ણાટકમાં ભારે વરસાદ, ઘણા રાજ્યોમાં એલર્ટ, જાણો દેશમાં હવામાનની સ્થિ
Weather Update: દેશના ઘણા રાજ્યોમાંથી ચોમાસાએ વિદાય લઈ લીધી છે, પરંતુ ઘણા ભાગોમાં વરસાદને કારણે લોકોનું જીવન મુશ્કેલ બની ગયું છે. આજે ઘણા રાજ્યોમાં ભારે વરસાદની સંભાવના છે. જેના કારણે હવામાન વિભાગે એલર્ટ જાહેર કર્યું છે. ભારતીય હવામાન વિભાગે ઘણા રાજ્યોમાં ભારે વરસાદની સંભાવના વ્યક્ત કરી છે અને એલર્ટ પણ જાહેર કર્યું છે.
હવામાન વિભાગના જણાવ્યા અનુસાર આજે અને આવતીકાલે દિલ્હીમાં હળવો વરસાદ, ઉત્તરાખંડમાં હળવો વરસાદ અને હિમાચલ પ્રદેશમાં મધ્યમ વરસાદ માટે યલો એલર્ટ જાહેર કરવામાં આવ્યું છે.
આજે હિમાચલ પ્રદેશના અમુક વિસ્તારોમાં હળવી હિમવર્ષા થતાં પ્રવાસીઓમાં ખુશી છવાઈ છે, તો બીજી તરફ ઉત્તર પ્રદેશ, મધ્યપ્રદેશ, છત્તીસગઢ, બિહાર, ઝારખંડ, ઓડિશા, મહારાષ્ટ્રમાં હળવા વરસાદની સંભાવના છે. જ્યારે કેરળ અને કર્ણાટકમાં ભારે વરસાદનું એલર્ટ યથાવત છે.
ગઈકાલે રાતે કર્ણાટકના ઘણા જિલ્લાઓમાં ભારે વરસાદ થયો છે, જ્યારે રાજધાની બેંગલુરુના ઘણા વિસ્તારો પાણીમાં ગળાડૂબ છે. ભારે વરસાદ બાદ શેષાદ્રિપુરમ રેલ્વે અંડરપાસ પાસે પાણી ભરાઈ જવાને કારણે લોકોને અવરજવરમાં ઘણી સમસ્યાઓનો સામનો કરવો પડી રહ્યો છે. હવે ચોમાસું એક-બે દિવસમાં વિદાય થઈ જશે પરંતુ ત્યાં સુધી કેટલાક રાજ્યોમાં વરસાદ પડશે.
તમને જણાવી દઈએ કે આપણા દેશમાં ચોમાસું 1 જૂનથી 15 ઓક્ટોબર સુધી ચાલે છે, પરંતુ આ વખતે ચોમાસું મોડું પહોંચ્યું છે, તેથી આ વખતે ચોમાસું પાછું જવામાં પણ મોડું થઈ રહ્યું છે. આ વખતે ચોમાસામાં ઘણા ઉતાર-ચઢાવ જોવા મળ્યા હતા. હિમાચલ, ઉત્તરાખંડ અને આસામમાં વરસાદે ભારે તબાહી મચાવી હતી.
ચોમાસાના વરસાદને કારણે દિલ્હીમાં ઘણા વર્ષો પછી પૂર આવ્યું હતું, જ્યારે પૂર્વી યુપીના લોકો સારા વરસાદ માટે તલપાપડ રહેતા હતા અને આ દિવસોમાં સિક્કિમમાં અચાનક પૂર આવ્યું છે. આ વર્ષે ચોમાસાની ઋતુમાં સરેરાશ કરતાં ઓછો વરસાદ થયો છે અને તે પણ તદ્દન અસમાન રહ્યો છે, એટલે કે જ્યાં ઘણો વરસાદ પડ્યો ત્યાં ખૂબ પડ્યો અને જ્યાં ન પડ્યો ત્યાં બહુ ઓછો પડ્યો.
#WATCH | Himachal Pradesh: Higher reaches of Lahaul-Spiti receive fresh snowfall. pic.twitter.com/3QXglPW1QZ
— ANI (@ANI) October 10, 2023
#WATCH कर्नाटक: बेंगलुरु में भारी बारिश के बाद शेषाद्रिपुरम रेलवे अंडरपास के पास जलभराव हुआ। pic.twitter.com/Scrp1uCtjo
— ANI_HindiNews (@AHindinews) October 10, 2023
Click it and Unblock the Notifications
Sign in with Google
