Weather Update: હળવા વરસાદના કારણે ગરમીથી આજે મળશે રાહત

Weather Update: દિલ્હીમાં ભીષણ ગરમીના કારણે લોકોને ઘણી મુશ્કેલીઓનો સામનો કરવો પડી રહ્યો છે. પરંતુ વરસાદ, ઝરમર વરસાદ અને જોરદાર પવનના કારણે લોકોને આજે થોડી રાહત મળે તેવી શક્યતા હવામાન વિભાગે વ્યક્ત કરી છે. જોકે ધીમે ધીમે ગરમી દરરોજ વધી રહી છે. પરંતુ આગામી દિવસોમાં રાહત મળવાની શક્યતા ઓછી જણાઈ રહી છે.

આગામી એક સપ્તાહ માટે દિલ્હીમાં હવામાનની સ્થિતિ વિશે વાત કરીએ તો, 20 એપ્રિલ સુધી વાદળછાયું રહેવાની શક્યતા છે. 21 એપ્રિલના રોજ સપાટી પરના મજબૂત પવનની અપેક્ષા છે. 22 એપ્રિલે તોફાન અને વરસાદની સંભાવના છે.

સમગ્ર દેશમાં હવામાનની પેટર્ન બદલાઈ રહી છે. છેલ્લા 24 કલાકમાં મધ્યપ્રદેશ, મહારાષ્ટ્ર, મરાઠવાડા અને ઉત્તર કર્ણાટકમાં હળવો વરસાદ જોવા મળ્યો છે. ઉત્તર-પૂર્વ ભારતમાં પણ હળવો વરસાદ જોવા મળ્યો છે. ગરમી અને હિટવેવની વાત કરીએ તો સૌરાષ્ટ્ર અને કચ્છના કેટલાક વિસ્તારોમાં હીટ વેવને કારણે જનજીવન પ્રભાવિત થયું છે.

હવામાન વિભાગના જણાવ્યા અનુસાર આગામી 24 કલાકમાં વરસાદ અને હિમવર્ષા થવાની સંભાવના છે. જમ્મુ-કાશ્મીર, લદ્દાખ, ગિલગિટ-બાલ્ટિસ્તાન, હિમાચલ પ્રદેશમાં 18 એપ્રિલથી 21 એપ્રિલની વચ્ચે વરસાદ અને હિમવર્ષા થવાની સંભાવના છે. જ્યારે ઉત્તરાખંડમાં 18 અને 19 એપ્રિલે વરસાદ અને હિમવર્ષા થવાની સંભાવના છે.

આજે અને આવતીકાલે પંજાબ, હરિયાણા અને દિલ્હીમાં ગાજવીજ સાથે હળવો વરસાદ પડી શકે છે. જો પશ્ચિમ ઉત્તર પ્રદેશ અને પૂર્વી રાજસ્થાનની વાત કરીએ તો આજે અહીં પણ હળવો વરસાદ પડી શકે છે. પૂર્વોત્તર ભારતમાં 21 એપ્રિલ સુધી હળવા વરસાદની શક્યતા છે.

English summary

Weather Update: Temperature will decrease due to light rain in Delhi and North India