Monsoon Updates: દેશના આ રાજ્યોમાં થશે વધુ વરસાદ, કેરળ-અંદમાનમાં એલર્ટ, જાણો IMDએ શું કહ્યુ?
Monsoon Updates: દક્ષિણ-પશ્ચિમ ચોમાસુ અત્યાર સુધીમાં કેરળમાં પહોંચી જવુ જોઈએ પરંતુ તે થયુ નથી. હવામાન વિભાગનુ કહેવુ છે કે આગામી ત્રણ-ચાર દિવસમાં ચોમાસું કેરળ પહોંચી જશે અને એટલા માટે અંદમાન અને નિકોબાર ટાપુઓ, લક્ષદ્વીપ અને કેરળમાં પ્રી-મોનસુનની અપેક્ષા છે, જેના માટે એલર્ટ જાહેર કરવામાં આવ્યું છે.
તમને જણાવી દઈએ કે દર વર્ષે ચોમાસુ 1 જૂને કેરળ પહોંચતુ હતુ અને આ વખતે તે 4 જૂન સુધીમાં પહોંચવાની આશા હતી પરંતુ હવે અહીં એક સપ્તાહ મોડુ પહોંચશે. હવામાન વિભાગનુ કહેવુ છે કે ચોમાસાએ વેગ પકડ્યો છે અને પશ્ચિમી પવનો પણ વધ્યા છે.
હવામાન વિભાગના જણાવ્યા મુજબ ચોમાસાની પ્રગતિ માટે જે પણ પરિસ્થિતિઓ જરૂરી છે, તે અનુકૂળ છે, તેથી ચોમાસું ત્રણ-ચાર દિવસમાં કેરળના દરિયાકાંઠે દસ્તક આપશે. આ વખતે ચોમાસમાં વિલંબ થયો છે અને તેના પર અલ નીનોની અસર પણ દેખાઈ રહી છે પરંતુ તેમ છતાં તે સામાન્ય રહેશે.
જો કે જૂનમાં વરસાદની અસમાન પેટર્ન રહેશે, જેના કારણે કેટલીક જગ્યાએ વધુ વરસાદ પડશે અને કેટલીક જગ્યાએ ઓછો વરસાદ પડશે. ઉલ્લેખનીય છે કે અગાઉ હવામાન વિભાગે કહ્યું હતું કે જૂનમાં ચોમાસાનો વરસાદ 96થી 104 ટકા રહેશે અને ચોમાસું ધીરે ધીરે વેગ પકડશે અને સામાન્ય ગતિએ આગળ વધશે.
હવામાન વિભાગના જણાવ્યા અનુસાર કેરળ, અંદમાન, કર્ણાટક, તમિલનાડુ અને આંધ્રમાં આજે વરસાદની સંભાવના છે, જ્યારે ખાનગી હવામાન માહિતી એજન્સી સ્કાયમેટે કહ્યુ છે કે કર્ણાટક, ઓડિશા, તમિલનાડુ અને આંધ્રપ્રદેશમાં ભારે વરસાદ પડી શકે છે. આજે જ્યારે રાજસ્થાન અને મધ્યપ્રદેશમાં ધૂળની ડમરીઓ ઉડી શકે છે, જેના કારણે અહીં એલર્ટ જાહેર કરવામાં આવ્યુ છે.
હવામાન વિભાગના જણાવ્યા અનુસાર આજે દિલ્હીમાં હળવો વરસાદ પડી શકે છે. પંજાબ, હરિયાણા, યુપીમાં હવામાન સૂકુ રહેશે અને એમપી-રાજસ્થાનમાં વાવાઝોડાની સંભાવના છે. હિમાચલ, કાશ્મીર અને લદ્દાખમાં ભારે વરસાદની સંભાવનાના પગલે એલર્ટ આપવામાં આવ્યુ છે.
Click it and Unblock the Notifications
Sign in with Google
