Who is Priya Saroj : કોણ છે પ્રિયા સરોજ? જેની સાથે ક્રિકેટર રિંકુ સિંહે સગાઈ કરી
Rinku Singh Engagement : ભારતીય સ્ટાર ક્રિકેટર રિંકુ સિંહે સગાઈ કરીને તમામ લોકોને ચૌકાવી દીધા છે. રિંકુ સિંહની થનારી પત્ની પ્રિયા સરોજ વિશે લોકો સતત ઈન્ટરનેટ પર સર્ચ કરી રહ્યાં છે.
રિંકુ સિંહ અને પ્રિયા સરોજની સગાઈના સમાચારો વહેતા થયા છે પરંતુ આ મુદ્દે બન્ને તરફથી કોઈ સમાચાર આવ્યા નથી. સમાચારો પર વિશ્વાસ કરીએ તો બન્ને જલ્દી લગ્ન કરી શકે છે.
જો કે રિંકુ સિંહ અને પ્રિયા સરોજની સગાઈના સમાચાર પર પ્રિયાના પિતાએ પ્રતિક્રિયા આપી છે. તેમના પિતા તૂફાની સરોજે મીડિયા સામે આ સમાચારને ખોટા ગણાવ્યા છે. રિંકુના પિતાએ જણાવ્યું કે સંબંધનો પ્રસ્તાવ આવ્યો હતો. જો કે, સગાઈના સમાચાર સાચા નથી.
જણાવી દઈએ કે, પ્રિયા સરોજ સમાજવાદી પાર્ટીના સાંસદ છે અને સમાજવાદી પાર્ટીએ ઉત્તર પ્રદેશની મછલીશહર લોકસભા બેઠક પરથી ટિકિટ આપી હતી. તે ત્રણ વખત સાંસદ અને વર્તમાન ધારાસભ્ય તૂફાની સરોજની પુત્રી છે. પ્રિયા સરોજે 2024 લોકસભા ચૂંટણીમાં તેમણે ભાજપના બીપી સરોજને 35 હજારથી વધુ મતોના માર્જિનથી હરાવીને પહેલી લોકસભા ચૂંટણી જીતી હતી.
આ જીત બાદ સંસદના નીચલા ગૃહમાં પ્રિયા સરોજ ચૂંટાયેલા બીજા સૌથી યુવા સાંસદ બની. તૂફાની સરોજ સમાજવાદી પાર્ટીના વરિષ્ઠ નેતાઓમાંના એક છે અને એટલે જ અખિલેશ યાદવે પ્રિયા સરોજને ટિકિટ આપી હતી.
સમાજવાદી પાર્ટીના સાંસદ હોવા ઉપરાંત પ્રિયા સરોજ એક વકીલ છે અને સુપ્રીમ કોર્ટમાં પ્રેક્ટિસ કરે છે. પ્રિયા સરોજ કોલેજ અને યુનિવર્સિટીમાં અભ્યાસ કરતા સામાજિક પ્રવૃત્તિઓમાં સક્રિય રહી છે. પ્રિયાએ દિલ્હી યુનિવર્સિટીમાંથી બીએ અને નોઈડાની એમિટી યુનિવર્સિટીમાંથી એલએલબીની ડિગ્રી મેળવી છે.
ચૂંટણી દરમિયાન પ્રિયાએ પીએમ નરેન્દ્ર મોદી પર નિશાન સાધતા એક વીડિયો વાયરલ કર્યો હતો. પ્રિયા વીડિયોમાં કહે છે કે, લોકો રોજગારની ગેરંટી અને મોંઘવારી ઘટાડવા માંગે છે પરંતુ આ ફક્ત નારા લગાવનારાઓની સરકાર છે, જે ફક્ત જૂઠું બોલવાનું જાણે છે.
Click it and Unblock the Notifications
Sign in with Google
