યુપીમાં જનાધાર ગુમાવ્યા બાદ પણ કોંગ્રેસ કેમ ઉત્સાહમાં છે? જાણો શું છે કારણ?

By Desk

Published: Monday, October 23, 2023, 15:34 [IST]

આવનારી લોકસભા ચૂંટણીમાં ઈન્ડિયા ગઠબંધન નરેન્દ્ર મોદી સરકારને પરસેવો છોડાવી રહ્યું છે. આ ચૂંટણીમાં ઉત્તર પ્રદેશ સૌથી મોટુ મેદાન બનવા જઈ રહ્યા છે. આ જ કારણ છે કે કોંગ્રેસ ઉત્સાહમાં જોવા મળી રહી છે.

કોંગ્રેસ અને સમાજવાદી પાર્ટી વચ્ચે બેઠકોને લઈને તડાતડી જોવા મળી રહી છે. અખિલેશ યાદવે યુપી કોંગ્રેસના અધ્યક્ષ અજય રાયને ચિરકુટ ગણાવ્યા બાદ આ હવે વિવાદને ઘટાડવાના પ્રયાસ થઈ રહ્યા છે.

એક તરફ સમાજવાદી પાર્ટી અધ્યક્ષ અખિલેશ યાદવ 2024 માટે પીડીએ ગઠબંધનની વકાલત કરી રહ્યા છે તો બીજી તરફ ઉત્તર પ્રદેશમાં કોંગ્રેસ ઉત્સાહમાં છે. હાલમાં જ એક ઈન્ટરવ્યુમાં યુપી કોંગ્રેસના અધ્યક્ષ અજય રાયે 2024ની લોકસભા ચૂંટણીને લઈને કહ્યું છે કે, અમે 80 સીટો માટે તૈયારી કરી રહ્યા છીએ... મેં પહેલા પણ કહ્યું હતું, હવે પણ કહી રહ્યો છું... અમે 80 સીટો લડીશું. અમારી તૈયારી છે.

કોંગ્રેસ લગભગ નવ વર્ષથી કેન્દ્રમાં સત્તાથી દૂર છે. ભારતના ઈતિહાસમાં કોંગ્રેસને ક્યારેય આટલો સમય સત્તામાંથી દૂર રહેવાની આદત નથી. એક કહિકત એ છે કે ઉત્તર પ્રદેશના સમર્થન વિના દિલ્હી પહોંચવું મુશ્કેલ છે. એટલું જ સત્ય એ છે કે આજે યુપીમાં કોંગ્રેસ પાસે ન તો જન આધાર છે કે ન તો જન આધાર ધરાવતો કોઈ નેતા બચ્યો છે.

યુપીમાં કોંગ્રેસ કેમ ઉત્સાહમાં છે?
2019ની લોકસભા ચૂંટણીમાં પાર્ટીને ઉત્તર પ્રદેશમાં માત્ર રાયબરેલી બેઠક મળી હતી. અહીં તેને SP અને BSPનું પરોક્ષ સમર્થન હતું. રાહુલ ગાંધી વડાપ્રધાન બનાવવાના સપના સાથે એક દાયકાથી સંઘર્ષ કરી રહ્યા છે પરંતુ તે પોતે પણ પોતાની સીટ બચાવી શક્યા નથી.

2022ની વિધાનસભા ચૂંટણીમાં પાર્ટી 2 સીટો પર રહી ગઈ હતી. બાકી વોટ શેર પણ માત્ર 2 ટકાથી ઉપર છે. સવાલ એ થાય છે કે રાજ્યની તમામ 80 બેઠકો પર ચૂંટણી લડવાની વાત કરવાની પાર્ટીને હિંમત ક્યાંથી મળી રહી છે?

ઉત્તર પ્રદેશમાં કોંગ્રેસનું મનોબળ વધવાનું કારણ એ છે કે છેલ્લા કેટલાક મહિનામાં કેટલાક મોટા નેતાઓએ પાર્ટીમાં પ્રવેશ કર્યો છે. પાર્ટી નેતૃત્વને એવું લાગવા લાગ્યું છે કે તે વિરોધ પક્ષોના ઈન્ડિયા બ્લોકમાં બેઠકોના સંકલન દરમિયાન વધુ બોલી લગાવી શકે છે.

હાલમાં જ કોંગ્રેસના પૂર્વ ધારાસભ્ય ગાયદીન અનુરાગી અને ભાજપના દિલદાર નગરના પૂર્વ ધારાસભ્ય પશુપતિનાથ રાય કોંગ્રેસમાં જોડાયા છે. અનુરાગી અગાઉ હમીરપુરની રથ બેઠકનું પ્રતિનિધિત્વ કરી ચૂક્યા છે અને તેમને અસરકારક દલિત નેતા માનવામાં આવે છે.

2021માં તે સપામાં જોડાયા હતા. જ મહિનામાં કોંગ્રેસ બાગપતના આરએલડી નેતા અહેમદ હમીદને પણ પાર્ટીમાં સામેલ કરવામાં સફળ રહી છે.

પાર્ટી પશ્ચિમ યુપી અને ખાસ સહારનપુરના પીઢ મુસ્લિમ ચહેરા ઇમરાન મસૂદને પણ પરત લાવી છે. કે પીએમ મોદી વિરુદ્ધ તેમના બોટી-બોટી નિવેદનો માટે કુખ્યાત છે. છેલ્લાં કેટલાંક વર્ષોમાં તે સપાથી બસપામાં અને હવે કોંગ્રેસમાં પાછા ફર્યા છે.

અહેમદ હમીદનું મહત્વ એ છે કે તે નવાબ કોકાબ હમીદના પુત્ર છે અને રાજ્યમાં ત્રણ વખત મંત્રી રહી ચૂક્યા છે અને ચૌધરી અજીત સિંહના નજીકના ગણાતા હતા. કોંગ્રેસને લાગે છે કે આ મુસ્લિમ ચહેરાઓને કારણે તે પશ્ચિમ યુપીના મુસ્લિમોમાં પોતાનો દબદબો જાળવી શકે છે.

એ જ રીતે, સીપી રાય જેવા નેતાઓ, જેઓ થોડા મહિના પહેલા સપાના સ્થાપક સભ્યોમાં હતા અને મુલાયમ સિંહ યાદવના નજીકના ગણાતા હતા, તેઓ પણ કોંગ્રેસમાં જોડાયા છે. આ ઉપરાંત સીતાપુરથી ભાજપના પૂર્વ ધારાસભ્ય રાકેશ રાઠોડને સામેલ કરવામાં પણ કોંગ્રેસને સફળતા મળી છે.

આ તમામ નેતાઓના પરત ફરવા પર અજય રાયે ETને જણાવ્યું હતું કે, 'કર્ણાટક અને હિમાચલ પ્રદેશમાં કોંગ્રેસની જીત સાથે ભારત જોડો યાત્રાની સફળતાને કારણે નેતાઓ કોંગ્રેસ તરફ જોઈ રહ્યા છે. અમારો પ્રયાસ સંગઠનને મજબૂત કરવાનો છે, પરંતુ લોકો પોતાના અંગત સ્વાર્થને કારણે પાર્ટીમાં જોડાઈ રહ્યા છે... અને આવનારા દિવસોમાં પણ ઘણા શક્તિશાળી નેતાઓ પાર્ટીમાં જોડાતા જોવા મળશે...'

જોકે, નેતાઓનું જોડાવું અને કોંગ્રેસને સમર્થન વધારવામાં મદદ કરવી એ બે અલગ બાબતો છે. કોંગ્રેસ માટે આ વાસ્તવિક લિટમસ ટેસ્ટ હશે, જેના માટે તેણે માત્ર સત્તાધારી ભાજપની સત્તાનો જ નહીં, પરંતુ તેની સાથી સમાજવાદી પાર્ટીની શક્તિનો પણ સામનો કરવો પડશે.

મધ્યપ્રદેશમાં કોંગ્રેસ અને સમાજવાદી પાર્ટી વચ્ચે બેઠકોને લઈને તડાતડી જોવા મળી રહી છે. અખિલેશ યાદવે યુપી કોંગ્રેસના અધ્યક્ષ અજય રાયને ચિરકુટ ગણાવ્યા બાદ આ હવે વિવાદને ઘટાડવાના પ્રયાસ થઈ રહ્યા છે.

યુપીમાં કોંગ્રેસ કેમ ઉત્સાહમાં છે?
2019ની લોકસભા ચૂંટણીમાં પાર્ટીને ઉત્તર પ્રદેશમાં માત્ર રાયબરેલી બેઠક મળી હતી. અહીં તેને SP અને BSPનું પરોક્ષ સમર્થન હતું. રાહુલ ગાંધી વડાપ્રધાન બનાવવાના સપના સાથે એક દાયકાથી સંઘર્ષ કરી રહ્યા છે પરંતુ તે પોતે પણ પોતાની સીટ બચાવી શક્યા નથી.