બાળ ઠાકરે વિરોધી કોમેન્ટ બદલ યુવતીની ધરપકડ

મુંબઇ, 19 નવેમ્બરઃબાળ ઠાકરેની અંતિમ ક્રિયા વખતે મુંબઇમાં બંધ પાળવામાં આવતા પ્રશ્ન પૂછવા બદલ 21 વર્ષીય યુવતીની ધરપકડ કરવામાં આવી છે. બાળ ઠાકરેનું શનિવારે 86 વર્ષની ઉમરે નિધન થયું હતું અને રવિવારે તેમની અંતિમ યાત્રા કાઢવામાં આવી હતી. આ યુવતીએ ફેસબુકમાં આ પ્રકારનો પ્રશ્ન ઉઠાવ્યો હતો. તેની આ કોમેન્ટને લાઇક કરનાર એ યુવતીની પણ ધરપકડ કરવામાં આવી છે, તેવો અહેવાલ એક સમાચાર પત્રમાં છપાયો છે.

આ બન્ને યુવતીઓ વિરુદ્ધ અન્ડર સેક્શન 295(એ) ધાર્મિક લાગણી દૂભાવવા અને સેક્શન 64(એ) ઇન્ફોર્મેશન ટેક્નોલોજી એક્ટ, 2000 હેઠળ કેસ દાખલ કરવામાં આવ્યો છે. જોકે, બાદમાં આ યુવતીએ પોતાની કોમેન્ટને હટાવી દીધી હતી અને માફી પણ માગી હતી. જ્યારે બીજી તરફ 2000 જેટલા શિવસૈનિકોએ પાલઘર ખાતે આ યુવતીના કાકાના ક્લિનિકમાં ઘમાલ મચાવી હતી.

પોલીસે કહ્યું કે, આ યુવતીએ તેની કોમેન્ટમાં લખ્યું હતું, ' ઠાકરે જેવા લોકો દરરોજ જન્મે છે અને દરરોજ મરે છે અને કોઇ એક માટે આ રીતે બંધ પાળવાનો ના હોય.' તેમ સમાચાર પત્રના અહેવાલમાં જણાવાયું છે.

English summary

A 21 year old woman was reportedly arrested for questioning complete shutdown in Mumbai for the funeral of Bal Thackeray, the Shiv Sena patriarch who passed away on Saturday at the age of 86. Another girl who liked the comment was also arrested.