UP: બહરાઇચમાં મહિલા સાથે ગેંગરેપ કરી લટકાવી દીધી ઝાડ પર

બહરાઇચ, 11 જૂન: ઉત્તર પ્રદેશમાં હજી બદાયૂં ગેંગરેપ-હત્યાનો કેસ થાડે પડ્યો નથી ત્યાં બીજી ઘટના ઘટી ગઇ છે, જેના પરથી એટલું તો સાબિત થાય છે કે ઉત્તર પ્રદેશ મહિલાઓ માટે સહેજ પણ સુરક્ષીત નથી. ઉત્તર પ્રદેશમાં બહરાઇચ જિલ્લાના રાનીપુર વિસ્તારમાં આજે એક મહિલાની કથિત રીતે સામૂહિક બળાત્કાર બાદ હત્યા કરીને તેના મૃતદેહને ઝાડ પર લટકાવી દેવાનો કિસ્સો સામે આવ્યો છે.

અપર પોલીસ અધીક્ષક સુનીલ કુમાર સિંહે અત્રે જણાવ્યું કે રાનીપુર પોલીસ સ્ટેશન વિસ્તારના લોનિયનપુરવા ગામની રહેનારી 45 વર્ષની એક મહિલા ગઇકાલે પોતાની સારવાર કરાવવા માટે લખનઉ રવા થઇ હતી. રસ્તામાં તેના દિકરાએ તેને ફોન કરીને તેના દાદી બનવાના સમાચાર આપ્યા અને તે ઘરે પાછી ફરી રહી હતી.

સિંહે જણાવ્યું કે મહિલાએ બહરાઇચ પહોંચીને પોતાના દિકરાને ફોન કરીને તેને લેવા આવવા માટે જણાવ્યું. તેણીનો દિકરો જ્યારે તેને લેવા માટે બસસ્ટેશને પહોંચ્યો ત્યારે તેને તેની માતા મળી નહી અને તેનો મોબાઇલ ફોન પણ બંધ આવતો હતો.

તેમણે જણાવ્યું કે મહિલાનો અર્ધનગ્ન મૃતદેહ આજે એક બાગમાં એક સાડીની ફાંસીથી લટકેલો મળી આવ્યો. તેમના ગુપ્તાંગથી લોહી નીકળી રહ્યું હતું. પાસે જ તેનો મોબાઇલ ફોન અને ચપ્પલ પડ્યા હતા.

સિંહે જણાવ્યું કે આરોપ છે કે ગામના જ કોઇ પાંચ લોકોએ તેમની સાથે સામૂહિક બળાત્કાર કરીને તેની હત્યા કરી દીધી છે અને મૃતદેહને વૃક્ષ પર લટકાવી દીધું. સૂચના મળવા પર વરિષ્ઠ અધિકારીઓએ મૃતદેહને ઝાડ પરથી ઉતારીને પોસ્ટમોર્ટમ માટે મોકલી આપ્યું છે.

સ્થાનીક રહેવાસીઓના જણાવ્યા અનુસાર, આરોપીઓ દૂકાનમાં દારૂ વેચતા હતા, જેનો મહિલા વિરોધ કરતી હતી. એ વાતને લઇને બંને પક્ષોમાં હંમેશા ખેંચતાણ રહેતી હતી. પોલીસે પણ આંતરીક કલેશ હોવાની વાતનો સ્વીકાર કર્યો છે. કેસ નોંધીને વધુ તપાસ હાથ ધરવામાં આવી છે.

English summary

UP: Woman allegedly raped, found hanging from a tree in Bahraich