'અમને તમારા પર ગર્વ છે', વર્લ્ડ કપ ફાઈનલ બાદ ટીમ ઈન્ડિયા માટે પીએમ મોદીથી લઈને ઘણી હસ્તીઓના સંદેશ

World Cup Final 2023: અમદાવાદના નરેન્દ્ર મોદી સ્ટેડિયમમાં ICC મેન્સ ક્રિકેટ વર્લ્ડ કપ 2023ની ફાઇનલમાં ઑસ્ટ્રેલિયા સામે જોરદાર પ્રદર્શન કર્યા બાદ ટીમ ઈન્ડિયા મેચ હારી ગઈ હતી. ઘણી સેલિબ્રિટીઓએ ટીમ ઈન્ડિયા માટે તેમના સંદેશ સોશિયલ મીડિયા પર શેર કર્યા હતા.

શાહરૂખ ખાન, ગૌરી ખાન, રણવીર સિંહ, દીપિકા પાદુકોણ, આયુષ્માન ખુરાના અને શનાયા કપૂર સહિત ઘણી હસ્તીઓ ટીમ ઈન્ડિયાને સપોર્ટ કરવા સ્ટેડિયમમાં હતી. ઑસ્ટ્રેલિયા સામે શાનદાર પ્રદર્શન કરનારી ટીમ ઈન્ડિયા આ મેચ 6 વિકેટથી હારી ગઈ હતી.

રમત સમાપ્ત થયા પછી તરત જ, ઘણા બૉલિવુડ સ્ટાર્સે ટીમ ઈન્ડિયાના પ્રયત્નોની પ્રશંસા કરી અને લખ્યું કે કેવી રીતે તેમને વર્લ્ડ કપ 2023માં તેમની સમગ્ર યાત્રા પર ગર્વ અનુભવે છે.

પીએમ નરેન્દ્ર મોદીએ લખ્યું કે પ્રિય ટીમ ઈન્ડિયા, વર્લ્ડ કપ દરમિયાન તમારી પ્રતિભા અને દૃઢ નિશ્ચય અદ્ભુત હતો. તમે ખૂબ જ ભાવના સાથે રમ્યા અને દેશને ગૌરવ અપાવ્યું. અમે આજે અને હંમેશા તમારી સાથે છીએ. ઑસ્ટ્રેલિયાને વિશ્વ કપની તેમની મહાન જીત બદલ અભિનંદન! સમગ્ર ટુર્નામેન્ટમાં તેમનું પ્રદર્શન પ્રશંસનીય હતું, જે એક શાનદાર વિજયમાં પરિણમ્યું હતું. ટ્રેવિસ હેડને આજે તેમની નોંધપાત્ર રમત માટે અભિનંદન.

Dear Team India,

Your talent and determination through the World Cup was noteworthy. You've played with great spirit and brought immense pride to the nation.

We stand with you today and always.

— Narendra Modi (@narendramodi) November 19, 2023

સુપરસ્ટાર શાહરૂખ ખાને ભારતીય ક્રિકેટ ટીમની ICC મેન્સ ક્રિકેટ વર્લ્ડ કપ 2023માં જે રીતે રમી તેના વખાણ કર્યા હતા. શાહરૂખે X પર લખ્યું કે આ સમગ્ર ટૂર્નામેન્ટમાં ભારતીય ટીમ જે રીતે રમી તે જોવા માટે સન્માનની વાત છે અને તેમણે ખૂબ જ ઉત્સાહ અને નિશ્ચય બતાવ્યો. તે એક રમત છે અને તેમાં હંમેશા એક કે બે દિવસ ખરાબ હોય છે. કમનસીબે આજે આવું થયું પરંતુ ક્રિકેટમાં અમારી રમતના વારસા પર અમને ગર્વ કરાવવા બદલ ટીમ ઈન્ડિયાનો આભાર. તમે સમગ્ર ભારત માટે ખૂબ જ ખુશીઓ લાવ્યા. પ્રેમ અને આદર. તમે અમને એક ગૌરવપૂર્ણ રાષ્ટ્ર બનાવો છો.

The way the Indian team has played this whole tournament is a matter of honour and they showed great spirit and tenacity. It’s a sport and there are always a bad day or two. Unfortunately it happened today….but thank u Team India for making us so proud of our sporting legacy in…

— Shah Rukh Khan (@iamsrk) November 19, 2023

બોમન ઈરાનીએ X (અગાઉનું ટ્વિટર) પર લખ્યું કે આપણે આખી દુનિયામાં શાનદાર રમ્યા. તે આજે શાનદાર રીતે રમ્યા હતા. બીજી તરફ અભિષેક બચ્ચને લખ્યું હતું કે બહાદુરીભર્યા પ્રયત્નો પછી કપરી હાર. મેન ઈન બ્લ્યુ દ્વારા પ્રશંસનીય પ્રદર્શન. તમારું શિશ ઊંચું રાખો અને યાત્રા માટે આભાર.

વિવેક ઓબેરોયે લખ્યું કે ખૂબ જ હૃદયસ્પર્શી, ટીમ ઈન્ડિયાની પ્રશંસનીય રમત. આજનો દિવસ આપણો મોટો દિવસ થઈ શકતો હતો પરંતુ આના માધ્યમથી આપણે આપણા MenInBlueના સૌથી મોટા પ્રશંસક બનીશું અને આગામી કપ આપણો હશે. જય હિન્દ. કાજોલે લખ્યું કે હાર કર જીતનેવાલો કો બાઝીગર કહેતે હે. ટીમ ઈન્ડિયા વેલ પ્લેડ.

English summary

World Cup 2023: 'We are proud of you', messages for Team India from PM Modi to many celebrities.