Wrestlers Protest: પોલીસની સુરક્ષા સાથે બ્રિજભુષણ સિંહના ઘરે પહોંચી સાક્ષી મલિક

ભારતીય કુસ્તી સંઘના પ્રમુખ બ્રિજભૂષણ સિંહના મામલામાં દરરોજ કોઈને કોઈ વિવાદ સામે આવી રહ્યો છે. સરકાર કુસ્તીબાજોને મનાવવા માટે સતત બેઠકો કરી રહી છે. પરંતુ હજુ સુધી તેનું કોઈ પરિણામ આવ્યું નથી. તમને જણાવી દઈએ કે કેટલીક મહિલા રેસલર્સે બ્રિજ ભૂષણ સિંહ પર યૌન શોષણનો આરોપ લગાવ્યો છે.

બ્રિજભૂષણ સિંહ વિરુદ્ધ પોક્સો એક્ટ હેઠળ પણ કેસ નોંધવામાં આવ્યો છે. પરંતુ આ બધાની વચ્ચે કુસ્તીબાજોની લડાઈમાં નવો વળાંક આવ્યો છે. જણાવવામાં આવી રહ્યું છે કે જંતર-મંતર પર વિરોધ કરી રહેલી મહિલા કુસ્તીબાજોમાંથી એક પોલીસ સુરક્ષામાં બ્રિજભૂષણ સિંહના ઘરે પહોંચી છે. હવે તેને લઈને અનેક અટકળો શરૂ થઈ ગઈ છે. જો કે આ મામલે હજુ સુધી કોઈ સત્તાવાર નિવેદન બહાર આવ્યું નથી.

મીડિયામાં વિવિધ વાતો કહેવામાં આવી રહી છે. પરંતુ ઈન્ડિયા ટુડેના અહેવાલમાં કહેવામાં આવ્યું છે કે ક્રાઈમ સીનને ફરીથી બનાવવા માટે દિલ્હી પોલીસ મહિલા રેસલર સાથે રેસલિંગ ફેડરેશન ઓફ ઈન્ડિયાની ઓફિસ પહોંચી છે. અહીંના આરોપ મુજબ ક્રાઈમ સીન રિક્રિએટ કરવામાં આવશે.

બીજી તરફ ઈન્ટરનેશનલ રેફરી જગબીરનું એક નિવેદન સામે આવ્યું છે જેમાં તે બ્રિજભૂષણ પર આરોપો લગાવી રહ્યા છે. રેફરીએ કહ્યું કે બ્રિજભૂષણ અને તેના સાથીઓએ દારૂના નશામાં બાળકો સાથે ખરાબ વર્તન કર્યું. અમે બધા 2013માં થાઈલેન્ડ ગયા હતા, ત્યારે અમે પહેલીવાર પ્રેસિડેન્ટને મહિલાની પાછળ આ રીતે ઉભા જોયા હતા.

તમને જણાવી દઈએ કે હાલમાં જ 17 વર્ષીય સગીર રેસલેરે બ્રિજભૂષણ સિંહ પર લાગેલા યૌન શોષણના આરોપો પાછા ખેંચી લીધા છે. સગીર રેસલરના પિતાએ પણ આ વાતની પુષ્ટિ કરી છે.

તમને જણાવી દઈએ કે આ સમયે ભારતીય કુસ્તી મહાસંઘના અધ્યક્ષ બ્રિજભૂષણ શરણ સિંહ સામે દેશના પ્રખ્યાત કુસ્તીબાજોએ મોરચો ખોલ્યો છે. દરમિયાન, બ્રિજભૂષણ શરણ સિંહ વિરુદ્ધ નોંધાયેલી બે એફઆઈઆરનો વિગતવાર અહેવાલ બહાર આવ્યો છે, જેમાં તેમના પર ખૂબ જ ગંભીર આરોપો લગાવવામાં આવ્યા છે. ઈન્ડિયન એક્સપ્રેસના સમાચાર અનુસાર, બ્રિજભૂષણ શરણ સિંહ વિરુદ્ધ બે એફઆઈઆર નોંધાઈ છે, જેમાં 7 કુસ્તીબાજોએ તેમની વિરુદ્ધ ફરિયાદ નોંધાવી છે.

પહેલી એફઆઈઆર સગીરના યૌન શોષણના કેસમાં થઈ છે, જેમાં બ્રિજભૂષણ વિરુદ્ધ પોક્સો હેઠળ કેસ નોંધવામાં આવ્યો છે. જ્યારે બીજી FIRમાં કલમ 354, 354A, 354D અને 34 હેઠળ ફરિયાદ કરવામાં આવી છે. WFI સેક્રેટરી વિનોદ તોમરનું નામ પણ આ FIRમાં છે. આ એફઆઈઆરમાં છેડતીના 10 કેસ છે.

English summary

Wrestlers Protest: Sakshi Malik reached Brijbhushan Singh's house with police protection