Wrestlers Protest update : હું દોષી સાબિત થયો, તો હું ફાંસી પર ચડી જઇશ - બ્રિજ ભૂષણ
Wrestlers Protest update: ભારતીય કુસ્તી મહાસંઘ (WFI)ના અધ્યક્ષ બ્રિજ ભૂષણ શરણ સિંહની સામે દિલ્હીના જંતરમંતર પર રેસલર્સ દ્વારા સતત વિરોધ પ્રદર્શન કરવામાં આવી રહ્યું છે. આ વચ્ચે રવિવારના રોજ બ્રિજ ભૂષણ સિંહનો એક વીડિયો સામે આવ્યો છે.
આ વીડિયોમાં બ્રિજ ભૂષણ શરણ સિંહે જણાવ્યું હતું કે, જો મારા પર એક પણ આરોપ સાબિત થશે, તો મને ફાંસી આપવામાં આવશે. આ મામલો દિલ્હી પોલીસની વિચારણા હેઠળ છે. તેથી જ હું ખુલીને બોલી શકતો નથી. કુસ્તી સાથે જોડાયેલા લોકોને પૂછો કે, શું બ્રિજ ભૂષણ ગુનેગાર છે?
હકીકતમાં, બ્રિજ ભૂષણ દ્વારા જાતીય સતામણીનો આરોપ લગાવીને કુસ્તીબાજો જંતર-મંતર પર 15 દિવસથી હડતાળ પર છે. રેસલર વિનેશ ફોગાટ, બજરંગ પુનિયા અને સાક્ષી મલિકે બ્રિજ ભૂષણ સિંહ સામે મોરચો ખોલ્યો છે. 10 દિવસ પહેલા કુસ્તીબાજોની ફરિયાદ પર દિલ્હીના કનોટ પ્લેસ પોલીસ સ્ટેશનમાં યૌન ઉત્પીડન અને પોક્સો એક્ટનો કેસ નોંધવામાં આવ્યો હતો. આ દરમિયાન બ્રિજ ભૂષણનો વીડિયો સામે આવ્યો છે.
બ્રિજ ભૂષણ શરણ સિંહે વીડિયોમાં જણાવ્યું હતું કે, જો મારો ગુનો સાબિત થશે, તો મને ફાંસી આપવામાં આવશે. કારણ કે, આ મામલો દિલ્હી પોલીસની વિચારણા હેઠળ છે. તેથી જ હું ખુલીને બોલી શકતો નથી, પરંતુ મારા કાકા, તાઉ અને કુસ્તી સાથે સંબંધિત પરિવાર... અથવા કોઈપણ ખેલાડી કે જેને હેરાન કરવામાં આવ્યો હોય, તેમની પાસે કોઈ વીડિયો કે કોઈ પુરાવા હોય તો જણાવો. તમારા પડોશીઓને અથવા કુસ્તી સાથે જોડાયેલા લોકોને પૂછો કે, શું બ્રિજ ભૂષણ ખરેખર પાપી છે? મેં 11 વર્ષમાં દેશની કુસ્તી માટે શું નથી કર્યું!
Click it and Unblock the Notifications
Sign in with Google
