YEIDA: ડેટા સેન્ટર હબ બનવા માટે તૈયાર છે નોઈડા, દેશની ઈકોનૉમીને મળશે બૂમ

નોઈડાના સેક્ટર 28માં 200 એકર જમીન પર ડેટા સેન્ટર હબ બનાવવામાં આવશે. એકવાર આ ડેટા સેન્ટર તૈયાર થઈ જશે તો માત્ર દેશ જ નહીં પરંતુ દુનિયાભરના રોકાણકારો નોઈડા તરફ વળશે.

Data Centre Hub in Noida: ઉત્તર પ્રદેશના મુખ્યમંત્રી યોગી આદિત્યનાથના નેતૃત્વમાં યુપીમાં સર્વાંગી રોકાણ આવી રહ્યુ છે. ગયા મહિને લખનઉમાં આયોજિત ગ્લોબલ ઇન્વેસ્ટર્સ સમિટમાં આશરે રૂ. 34 લાખ કરોડ આવ્યા હતા. Yamuna Expressway Industrial Development Authority(YEIDA) મુખ્યમંત્રી યોગીના ઈરાદા મુજબ તેની કવાયતમાં વ્યસ્ત છે. ઈડાના અધિકારીઓનો દાવો છે કે નોઈડાના સેક્ટર 28માં 200 એકર જમીન પર ડેટા સેન્ટર હબ બનાવવામાં આવશે. એકવાર આ ડેટા સેન્ટર તૈયાર થઈ જશે તો માત્ર દેશ જ નહીં પરંતુ દુનિયાભરના રોકાણકારો નોઈડા તરફ વળશે.

ડેટા સેન્ટરમાં હજારો લોકોને મળશે રોજગાર

YEIDA અધિકારીઓનો દાવો છે કે ડેટા સેન્ટર પાર્કમાં વ્યાપારી પ્રવૃત્તિઓ વધારવા માટે વિવિધ પગલાં લેવામાં આવશે. ડેટા સેન્ટર પાર્કમાં સેમિનાર હૉલ અને કૉન્ફરન્સ રૂમ બનાવવામાં આવશે અને તેમાં અત્યાધુનિક સેવાઓ પૂરી પાડવામાં આવશે. એક ડેટા સેન્ટર બનાવવામાં આવે તેવી શક્યતા છે જે એક હજાર લોકો માટે રોજગારીની તકો ઉભી કરશે.

ઘણી કંપનીઓએ વ્યક્ત કરી રોકાણની ઈચ્છા

નોઈડામાં બનાવવામાં આવનાર ડેટા સેન્ટરમાં ઘણી જાણીતી કંપનીઓ રોકાણ કરશે. આ જાણીતી કંપનીઓમાં NIDP પ્રાઇવેટ લિમિટેડ (હિરાનંદાની ગ્રૂપ ઑફ કંપનીઝનો એક ભાગ), Sify Technologies, STT Global Data Center India Pvt Ltd અને NTT ગ્લોબલનો સમાવેશ થાય છે. રિપોર્ટ મુજબ સિફી જેવી મોટી કંપની નોઈડામાં ડેટા સેન્ટર સ્થાપવા માટે રૂ. 11,000 કરોડનુ રોકાણ કરશે અને તેણે 30 એકર જમીન માટે Yamuna Expressway Industrial Development Authority પત્ર લખ્યો છે.

નોઈડા બનશે ઉત્તર ભારતનુ સૌથી મોટુ હબ

અધિકારીઓના જણાવ્યા અનુસાર, Sify સિવાય, હિરાનંદાની ગ્રુપ નોઈડામાં ડેટા સેન્ટર સેક્ટરમાં 8,000 કરોડ રૂપિયાનું રોકાણ કરશે અને તેણે ઓથોરિટી પાસેથી 25 એકર જમીન માંગી છે. જે રીતે મોટી કંપનીઓ નોઈડામાં પોતાના એકમો સ્થાપવા આગળ આવી રહી છે, તે જોતાં આવનારા સમયમાં આ ક્ષેત્રમાં વધુ રોકાણ થવાની સંભાવના છે. નોઈડામાં બનાવવામાં આવનાર ડેટા સેન્ટર હબ ઉત્તર ભારતમાં સૌથી મોટુ ડેટા સ્ટોરેજ હબ હશે.

શું કહે છે ઈડાના સીઈઓ

યમુના એક્સપ્રેસવે ઈન્ડસ્ટ્રીયલ ડેવલપમેન્ટ ઓથોરિટીના સીઈઓ અરુણવીર સિંહનુ કહેવુ છે કે સિફીએ તેની અરજી સબમિટ કરી છે અને તેના માટે તેણે ઑથોરિટીના ખાતામાં 70 કરોડ રૂપિયા જમા કરાવ્યા છે. આ સિવાય હિરાનંદાની ગ્રુપ સહિત ઘણી કંપનીઓએ નોઈડામાં પોતાના માટે જમીનની માંગણી કરી છે.

ડેટા સેન્ટર પાર્કમાં મળશે વર્લ્ડ ક્લાસ સુવિધાઓ

YEIDA હેઠળ સૂચિત ડેટા સેન્ટર તેના નિર્માણ પછી સૌથી મોટી સુવિધા પૂરી પાડશે. આ ડેટા સેન્ટર્સમાં વર્લ્ડ ક્લાસ ઈન્ફ્રાસ્ટ્રક્ચર વિકસાવવામાં આવશે અને કંપનીઓને સુવિધાઓ પૂરી પાડવામાં આવશે. આ ડેટા સેન્ટરોમાં પાવર સપ્લાય, હાઇ-સ્પીડ કનેક્ટિવિટી, રહેણાંક આવાસ, મનોરંજન સુવિધાઓ પણ હાજર રહેશે. ઇડામાં બનાવવામાં આવનાર ડેટા સેન્ટર પાર્ક સેન્ટર ઉત્તર ભારતમાં ડિજિટલ ઈન્ફ્રાસ્ટ્રક્ચરના ક્ષેત્રમાં એક સીમાચિહ્નરૂપ સાબિત થશે. ડેટા સેન્ટર સ્થાનિક અને આંતરરાષ્ટ્રીય રોકાણકારોને આકર્ષવામાં સક્ષમ હશે.

English summary

YEIDA: Noida is ready to become a data center hub, the country's economy will get a boom