યોગી આદિત્યનાથ ચૂંટણીપ્રચાર કરવા ગજવશે સભાઓ, પડ્યો બોલ ઝીલી રહ્યા છે કાર્યકર્તાઓ

ઉત્તર પ્રદેશ નગરપાલિકાની ચૂંટણીમાં ભારતીય જનતાના ઉમેદવારો માટે પ્રચાર માટે ચાર મેના રોજ મુખ્યમંત્રી યોગી આદિત્યનાથ જિલ્લામાં સભા ગજવશે.

ડીએમ સંજીવ રંજને જણાવ્યું હતું કે, મુખ્યમંત્રી યોગી આદિત્યનાથ ચાર મેની સવારે 10:50 કલાકે હેલિકોપ્ટરથી જિલ્લા જેલ સામે હેલિપેડ પર ઉતરશે. જ્યાં બીએસએ ગ્રાઉન્ડ સ્થિત જનસભા સ્થળમાં લોકોનું સંબોધન કરશે.

જે બાદ તેઓ સવારે 11:50 કલાકે જિલ્લામાંથી બસ્તીમાં પ્રચાર માટે રવાના થશે. મુખ્યમંત્રીના કાર્યક્રમમાં કડક સુરક્ષા વ્યવસ્થા રાખવામાં આવશે. ભાજપના જિલ્લા સંયોજક કન્હૈયા પાસવાને જણાવ્યું કે, મુખ્યમંત્રી યોગી આદિત્યનાથ શહેર સહિત જિલ્લાની તમામ 11 મ્યુનિસિપલ સંસ્થાઓના પ્રમુખ અને કાઉન્સિલર પદના ઉમેદવારો માટે પ્રચાર કરશે.

સમગ્ર જિલ્લા અને તમામ સંસ્થાઓના કાર્યકરો જાહેર સભામાં હાજર રહેશે. જાહેરસભાને સફળ બનાવવા દરેકને જવાબદારી સોંપવામાં આવી છે. સંસદ સભ્ય જગદંબિકા પાલ અને જિલ્લા મેજિસ્ટ્રેટ સંજીવ રંજને સ્થળનું નિરીક્ષણ કર્યું હતું.

બલિયાના સતીશ ચંદ્ર મહાવિદ્યાલયના સ્પોર્ટ્સ ગ્રાઉન્ડમાં બુધવારના રોજ મુખ્યમંત્રી યોગી આદિત્યનાથની ચૂંટણી સભા યોજાશે. જેને લઈને વહીવટી તંત્રએ તૈયારીઓને આખરી ઓપ આપી દીધો છે. જે અંતર્ગત બુધવારના રોજ શહેરના મુખ્ય માર્ગો પર રૂટ ડાયવર્ઝન કરવામાં આવશે.

અધિકારીઓએ સુરક્ષા વ્યવસ્થાની ચકાસણી કરી હતી. આઈજી અખિલેશ કુમાર અને પોલીસ અધિક્ષક રાજ કરણ નય્યરે રૂટ ડાયવર્ઝન સહિતની તૈયારીઓનું નિરીક્ષણ કર્યું હતું અને દિશા-નિર્દેશો આપ્યા હતા.

હવામાનને ધ્યાનમાં રાખીને હેલિપેડના ઉતરાણ માટે વૈકલ્પિક વ્યવસ્થા પણ કરવામાં આવી છે. આ અંતર્ગત મુખ્યમંત્રીના હેલિકોપ્ટરને પોલીસ લાઈન ગ્રાઉન્ડમાં ઉતરવાની વ્યવસ્થા કરવામાં આવી છે.

આ દરમિયાન ટીડી કોલેજથી ચિત્તુ પાંડે ચૌરાહા અને એસસી કોલેજ સુધીનો રૂટ પણ વૈકલ્પિક માર્ગ તરીકે તૈયાર કરવામાં આવ્યો છે. જેથી કરીને મુખ્યમંત્રીના કાફલાની અવરજવરમાં કોઈ મુશ્કેલી ન પડે.

English summary

Yogi Adityanath will hold many meetings for election campaign