પાવર સપ્લાય માટે યોગી સરકારે હજારો કરોડની આપી સબ્સિડી

યૂપીની યોગી સરકારે લોકોને 24 કલાક વીજળી મળતી રહે તે માટે ચાર પાવર પ્લાન્ટ સ્થાપિત કરવાનું એલાન કર્યું છે. પોતાના રાજ્યનો એકેય નાગરિક વીજળીથી વંચિત ના રહે તે માટે યોગી સરકાર કરોડો રૂપિયા ખર્ચી રહી છે.

ઉત્તર પ્રદેશના મુખ્યમંત્રી યોગી આદિત્યનાથની આગેવાની વાળી ભાજપ સરકારે યુપીમાં ખેડૂતોને વીજળી ઉપલબ્ધ કરાવવા માટે હજારો કરોડની સબ્સિડી આપી છે. શું આ વિશે તમે જાણો છો? જણાવી દઈએ કે યુપીમાં 24 કલાક વીજળી ઉપલબ્ધ કરાવવા માટે યોગી સરકાર નવા ચાર પાવર પ્લાન્ટ સ્થાપવાની તૈયારી છે અને આ માટે હજારો કરોડ રૂપિયા ખર્ચવામાં આવશે. આ દાવો ખુબ સરકાર તરફથી કરવામાં આવ્યો છે.

પાવર કોર્પોરેશન લિમિટેડ અનુસાર, ગ્રાહકોના ખભેથી મોંઘવારીનો બોજો હળવો કરવા માટે રાજ્ય સરકાર દ્વારા 23000 કરોડ રૂપિયાથી વધુની વીજળી સબ્સિડી પ્રદાન કરવામાં આવી છે. ચાલૂ નાણાકીય વર્ષમાં સરકારે 24 કલાક વીજળીની આપૂર્તિ સાથે ઘરેલૂ વીજળી ગ્રાહકોને કુલ 6503 કરોડ રૂપિયાની સબ્સિડી આપી છે.

આ પ્રમુખ ક્ષેત્રોમાં સબ્સિડી આપવામાં આવી

આવી જ રીતે ખાનગી ટ્યુબવેલ માટે 7097 કરોડ રૂપિયા, કૃષિ માટે 1250 કરોડ રૂપિયા, વણકરો માટે 250 રૂપિયા અને 8007 કરોડ રૂપિયા ખાધ ભંડોળ માટે સબ્સિડી આપવામાં આવી છે. કુલ મિલાવી રાજ્ય સરકારે 23,107 કરોડ રૂપિયાની સબ્સિડી મંજૂર કરી છે.

યુપીપીસીએલના અધિકારીઓ મુજબ, "રાજ્ય સરકાર લાઇન લૉસ ઘટાડવામાં સફળ રહી છે. 2016-17માં રાજ્યએ 21.47% લાઇન લૉસ નોંધાવ્યો છે જે જાન્યુઆરી 2023 સુધી ઘટીને 17.62% થઇ ગયો. વીજળી વિભાગે બિલિંગ સિસ્ટમમાં પણ સુધારો કર્યો છે. વીજળી ગ્રાહકોને હવે રજિસ્ટર્ડ મોબાઇલ નંબર પર બિલ મોકલવામાં આવી રહ્યાં છે. ગ્રાહકો પોતાના મોબાઇલથી જ ઓનલાઇન વીજળીના બિલ પણ જનરેટ કરી શકે છે."

જનસેવા કેન્દ્રો પર પણ વીજળીના બિલ ચૂકવી શકે

આવી જ રીતે ગ્રામીણ ક્ષેત્રોમાં જનસેવા કેન્દ્રોના માધ્યમથી વીજળીના બિલની ચૂકવણીની વ્યવસ્થા કરવામાં આવી છે. અધિકારીઓએ જણાવ્યું કે સ્વયં સહાયતા સમૂહો, રાશનની દુકાનો, સહકારી સમિતિઓ અને બિલિંગ એજન્સીઓ, જ્યાં ગ્રાહક બિલમાં સુધારો કરવામાં આવ્યો છે, તેના મીટર રીડરોના માધ્યમથી પાછલા બે વર્ષના વીજળીના બિલની ચૂકવણી કરવાની વ્યવસ્થા કરવામાં આવી છે.

English summary

Yogi government gave thousands of crores of subsidies for power supply