જામનગર: રાજુલા બેનના અધ્યક્ષ સ્થાને મહિલા આયોગની બેઠક યોજાઇ
રાષ્ટ્રીય મહિલા આયોગના સભ્ય રાજુલા બેન દેસાઇ હાલ જામનગરની મુલાકાતે છે. મહિલા આયોગના સભ્ય રાજુલા બેનના અધ્યક્ષ સ્થાને જામનગરના કલેક્ટર કચેરીના સભાખંડ ખાતે જીલ્લા અધિકારીઓ સાથે બેઠક યોજાઇ હતી. આ બેઠકમાં મહિલા અને બાળ કલ્યા
રાષ્ટ્રીય મહિલા આયોગના સભ્ય રાજુલા બેન દેસાઇ હાલ જામનગરની મુલાકાતે છે. મહિલા આયોગના સભ્ય રાજુલા બેનના અધ્યક્ષ સ્થાને જામનગરના કલેક્ટર કચેરીના સભાખંડ ખાતે જીલ્લા અધિકારીઓ સાથે બેઠક યોજાઇ હતી. આ બેઠકમાં મહિલા અને બાળ કલ્યાણ અધિકારી ચંદ્રેશ ભાભી દ્વારા વિવિધ વિભાગો સાથે સંકલન કરી જીલ્લા સ્તરે કરવામાં આવેલ મહિલાલક્ષી કામગીરીઓની પ્રેઝન્ટેશન દ્વારા માહિતિ આપવામાં આવી હતી. જેમાં પ્રધાનમંત્રી માતૃવંદના યોજના, કસ્તુરબા પોષણ સહાય યોજના, જનની સુરક્ષા યોજના, પીસીપી-એનટીડી અંતર્ગત કામગીરી વગેરે બાબતો વિશે જામનગર જીલ્લા દ્વારા કરવામાં આવેલ કામગીરી વિશે વિસ્તૃત માહિતિ આપવામાં આવી હતી.
આ પ્રસંગે આયોગના સભ્ય શ્રી રાજુલા બેન દેસાઇએ મહિલાલક્ષી યોજનાઓ કાયદાઓ અને આરોગ્યલક્ષી બાબતો વિશે વિસ્તૃત જાગૃતિ લાવવા જાગૃતિલક્ષી કાર્યક્રમોનો વ્યાપ વધારવાનું સુચન આપ્યું હતુ. બાળકીઓને ગુડ ટચ અને બેડ ટચની ટ્રેનિંગ, મહિલાઓ વિરૂદ્ધ થતા ગુનાઓ સામે કાયદાકીય જ્ઞાન પુરતુ મળી રહે તે માટે બાળ સુરક્ષા અધિકારીઓને કાર્યક્રમો કરવા સલાહ આપી હતી.