Rain water harvesting : જામનગર જિલ્લામાં છેલ્લા બે વર્ષમાં 12 અને દેવભૂમિ દ્વારકામાં 13 નવા ચેકડેમ મંજૂર કરાયા
Rain water harvesting : ગુજરાતમાં વરસાદી પાણીનો મહત્તમ સંગ્રહ કરવા માટે અનેક પ્રયાસો થઈ રહ્યા છે. આ જળ સંચય અભિયાન અંતર્ગત રાજ્યભરમાં નવા ચેકડેમ, ખેત તલાવડીઓ, નદીઓ પર બેરેજ અને તળાવો ઊંડા કરવાની કામગીરી ચાલી રહી છે.
આ પહેલના ભાગરૂપે છેલ્લા બે વર્ષમાં જામનગર જિલ્લામાં 12 નવા ચેકડેમ અને દેવભૂમિ દ્વારકામાં 13 નવા ચેકડેમ મંજૂર કરવામાં આવ્યા છે.
અત્યાર સુધીમાં રાજ્યમાં કુલ 586 નવા ચેકડેમ બનાવવામાં આવ્યા છે. આ માહિતી જળ સંપત્તિ રાજ્ય મંત્રી મુકેશ પટેલે વિધાનસભા ગૃહમાં આપી.
તેમણે જણાવ્યું કે, છેલ્લા ત્રણ વર્ષમાં જામનગરમાં મંજૂર થયેલા 9 ચેકડેમમાંથી 3 નું કામ પૂર્ણ થયું છે, જ્યારે દેવભૂમિ દ્વારકામાં મંજૂર થયેલા 6 ચેકડેમમાંથી 1 નું કામ પૂરું થયું છે.
આ બંને જિલ્લામાં કેનાલોની ઊંડાઈ 3 થી 6 મીટર છે અને ખેડૂતોને સિંચાઈ માટે પાણી મળી રહ્યું છે. જો ખેડૂતો જમીન સંપાદનમાં સહકાર આપશે તો જરૂરિયાત મુજબ કેનાલોને પાકી કરવામાં આવશે.
આ ઉપરાંત જામનગરના ધ્રોલ તાલુકામાં આવેલા ઊંડ-1 ડેમ સાથે જોડાયેલી 167 કિલોમીટરની પાકી અને 27 કિલોમીટરની કાચી કેનાલો પણ કાર્યરત છે.
Click it and Unblock the Notifications
Sign in with Google
