નરેન્દ્ર મોદી બાદ SRCCએ મનમોહન સિંહને આપ્યું આમંત્રણ

નવી દિલ્હી, 10 માર્ચ: તાજેતરમાં જ ગુજરાતના મુખ્યમંત્રી નરેન્દ્ર મોદીને પોતાના ત્યાં આમંત્રિત કરનાર દિલ્હી વિશ્વવિદ્યાલયના શ્રીરામ કોલેજ ઓફ કોર્મસે હવે વડાપ્રધાન મનમોહન સિંહને આમંત્રણ આપ્યું છે. કોલેજના પ્રિન્સિપાલ પી સી જૈને જણાવ્યું હતું કે મહાવિશ્વવિદ્યાલયના વાર્ષિક દિવસ સમારોહ માટે વડાપ્રધાનને આમંત્રણ આપવામાં આવ્યું છે. તેમને જણાવ્યું હતું કે 'અમે તેમના (વડાપ્રધાન)ના જવાબની રાહ જોઇ રહ્યાં છીએ. પી સી જૈને કહ્યું હતું કે વડાપ્રધાન સંસદના બજેટ સત્રમાં વ્યસ્ત છે પરંતુ કોલેજને આશા છે કે તે બજેટ સત્રના અવકાશના સમયે અન્ય કોઇ તારીખ આપશે.

નરેન્દ્ર મોદીને આમંત્રિત કરવાના નિર્ણયને સાચો ગણાવતાંન કોલેજના પ્રિન્સિપાલે કહ્યું હતું કે 'અમે કશું ખોટું કર્યુ નથી. લોકતંત્રમાં આપણે દરેક પ્રકારના લોકોના વિચાર સાંભળવાનો અધિકાર છે અને કોલેજે કશું ખોટું કર્યું નથી. તેમને કહ્યું હતું કે તે મુદ્દાને મીડિયાને વધું પ્રચારિત કર્યો હતો પરંતુ અમારા માટે આ અન્ય કાર્યક્રમની જેમ હતો.

ગુજરાતના મુખ્યમંત્રીને બોલાવવા વિશે પી સી જૈને કહ્યું હતું કે 'નરેન્દ્ર મોદીને આમંત્રિત કરવાનાનો નિર્ણય વિદ્યાર્થીઓનો હતો, વિદ્યાર્થીઓની અપેક્ષાઓને પુરી કરવી અમારું કર્તવ્ય છે.' આ પહેલાં આ કોલેજે એપીજે અબ્દુલ કલામ, પી ચિદમ્બરમ, પ્રણવ મુખર્જી, ઇ શ્રીધરન અને કેટલીક વિશિષ્ટ વ્યક્તિઓને અહીં આમંત્રિત કરી ચૂકી છે. પી સી જૈને આ અંગે કહ્યું હતું કે આપણા અર્થશાસ્ત્રી વડાપ્રધાન પાસે આશા રાખીએ છીએ કે અમારા ત્યાં આવે અને અર્થશાસ્ત્ર પર પોતાનો વિચાર રાખે.

English summary

The Sri Ram College of Commerce, which hosted Gujarat Chief Minister Narendra Modi at its campus recently, has now invited Prime Minister Manmohan Singh to the institution.