ગુજરાતનો વૃદ્ધિ દર ઘટ્યો, બિહાર સૌથી ઝડપથી વિકાસ પામતું રાજ્ય

નવી દિલ્હી, 27 ડિસેમ્બર: એક મોટા પરિવર્તન સાથે બિહાર ભારત સમક્ષ સૌથી ઝડપથી આગળ વધી રહેલા રાજ્ય તરીકે સામે આવ્યું છે. 10.9 ટકાના આર્થિક વૃદ્ધિ દર સાથે બિહારે ગુજરાતને પાછળ છોડી દિધું છે.

યોજના આયોગના આંકડા અનુસાર 2001-2005ના સમયગાળા દરમિયાન બિહાર સૌથી ધીમી ગતિએ આગળ વધતું રાજ્ય હતું અને તેનો વૃદ્ધિ દર 2.9 ટકા હતો. 2006 થી 2010 દરમિયાન તેનો વૃદ્ધિ દર 10.9 ટકા પહોંચી ગયો છે. જેથી હવે તે બિમાર રાજ્ય રહ્યું નથી. તો બીજી તરફ ગુજરાત 2001 થી 2005 દરમિયાન 11 ટકાના વૃદ્ધિ દર સાથે તે સૌથી આગળ હતું. પરંતુ 2006 થી 2010 દરમિયાન તેનો વૃદ્ધિ દર ઘટીને 9.3 ટકા પર આવી ગયો છે. વૃદ્ધિ દરના મામલામાં તે બિહાર સિવાય અન્ય ચાર રાજ્યો છત્તીસગઢ, હરિયાણા, મહારાષ્ટ્ર અને ઓરિસ્સાથી પાછળ રહી ગયું છે.

રસપ્રદ તથ્ય એ છે કે ઝડપથી વિકાસ પામી રહેલા 17 રાજ્યોમાં ગુજરાત એકમાત્ર એક રાજ્ય છે જેનો વૃદ્ધિ દર ઘટ્યો છે. આ સમયગાળામાં છત્તીસગઢનો વૃદ્ધિ દર 7.7 ટકાથી 10 ટકા પર પહોંચી ગયો છે. હરિયાણાનો વૃદ્ધિ દર 8.4 ટકાથી 9.7 ટકા પર પહોંચી ગયો જ્યારે મહારાષ્ટ્રનો વૃદ્ધિ દર 8.2 ટકાથી વધીને 9.6 ટકા તથા ઓરિસ્સાનો વૃદ્ધિ દર 7.8 ટકાથી વધીને 9.4 ટકા થઇ ગયો છે. 11મી યોજનાના સમયગાળામાં ટોપ ફાઇવ રાજ્યોનો સરેરાશ વૃદ્ધિ દર 9.10 ટકા રહ્યો છે. 10મી યોજનાના સમયગાળામાં આ 7 ટકા અને નવમી યોજનાના સમયગાળામાં 5 ટકા હતો.

નીચલા પાંચ રાજ્યોનો 11મી યોજનાના સમયગાળામાં સરેરાશ વૃદ્ધિ દર 8.58 ટકા, જ્યારે 10મી યોજનાના સમયગાળામાં 6.76 ટકા અને નવમી યોજનાના સમયગાળામાં 4.12 ટકા હતો. 2004-2005 થી 2011-12ના સમયગાળામાં ગ્રામીણ વિસ્તારોના વપરાશમાં 300 ટકાનો વધારો થયો છે.

English summary

Bihar has emerged as the fastest growing state in the country with a growth rate of 10.9 per cent.