મહિલાને બેભાન કરી મિત્રોએ ગુજાર્યો સામૂહિક બળાત્કાર

નવી દિલ્હી, 5 જૂન: એક મહિલાને ઠંડાપીણામાં નશીલો પદાર્થ ભેળવી બેભાન કર્યા બાદ તેના બે સહકર્મીઓ દ્વારા દુષ્કર્મ આચર્યં હોવાનો કિસ્સો પ્રકાશમાં આવ્યો છે. પૂર્વી દિલ્હીમાં મધુ વિહારની રહેવાસી મહિલાએ પોલીસને જણાવ્યું હતું કે તેના બે સહકર્મીઓ રવિન્દ્ર અને લોકેન્દ્રએ તેની સાથે દુષ્કર્મ આચર્યું જ્યારે રાકેશ અને જય સિંહ તે સમય તેમની સાથે હતા. મહિલા અને ચારેય લોકો ઉત્તર પ્રદેશના ગૌતમ બુદ્ધ નગરમાં એક ખાનગી કંપનીમાં કામ કરે છે.

એક પોલીસ અધિકારીના જણાવ્યા અનુસાર મહિલાને તેના સહકર્મી બુધવારની રાત્રે એક કારમાં લઇ ગયા હતા. રસ્તામાં તે લોકોએ તેમને ઠંડુ પીણું આપ્યું જેમાં કોઇ નશીલો પદાર્થ ભેળવેલો હતો. જ્યારે તે બેભાન થઇ ગઇ તો તેમાંથી બે લોકોએ તેની સાથે દુષ્કર્મ આચર્યુ હતું.

પોલીસે જણાવ્યું હતું કે મહિલા બુધવારની રાત્રે દિલશાહ ગાર્ડેન વિસ્તારમાં બેભાન અવસ્થામાં મળી હતી. પીડિતના મેડિકલ રિપોર્ટમાં બળાત્કારની પુષ્ટિ થઇ છે. હાલમાં ચારેય લોકો ફરાર છે અને તેમને પકડવા માટે પોલીસ પ્રયત્નો કરી રહી છે.

English summary

A middle-aged woman was allegedly gangraped by two of her colleagues after they drugged her by lacing her drink with sedatives.