રાહુલ ગાંધીમાં દેખાઇ ઇન્દિરાની ઝલક, ઘણા સાંસદોની અટકાયત

નેશનલ હેરાલ્ડ કેસમાં ED આજે ફરી કોંગ્રેસ અધ્યક્ષ સોનિયા ગાંધીની પૂછપરછ કરી રહી છે. આનો વિરોધ કરી રહેલા કોંગ્રેસના નેતા રાહુલ ગાંધી અને કોંગ્રેસના અન્ય સાંસદોને પોલીસે વિજય ચોક પાસેથી કસ્ટડીમાં લીધા હતા. ધરણા દરમિયાન રાહુલે દાદી ઈન્દિરા ગાંધી જેવું વલણ બતાવ્યું હતું.

ઉલ્લેખનીય છે કે, કોંગ્રેસના તમામ સાંસદો રાષ્ટ્રપતિ ભવન તરફ કૂચ કરવાની તૈયારી કરી રહ્યા હતા. આ દરમિયાન તેને કસ્ટડીમાં લેવામાં આવ્યા હતા. આ દરમિયાન રાહુલે જણાવ્યું કે,, 'અમને ધરણાં કરવા દેવાયા નથી. અહીં પોલીસનો નિયમ છે. આ ભારતની વાસ્તવિકતા છે.

મોદીજી રાજા છે. રાહુલ ગાંધી અને અન્યને પોલીસ બસમાં લઈ ગઈ હતી. તેઓને ક્યાં લઈ જવામાં આવ્યા હતા તે હજૂ સુધી જાણી શકાયું નથી.

કોંગ્રેસનો સંકેત - રાહુલ ગાંધી તેમના દાદી જેવા હોશિયાર

રાહુલ ગાંધીની પોલીસે અટકાયત કર્યા બાદ કોંગ્રેસે ટ્વીટ કરીને એક ફોટો અને કવિતાના અંશો શેર કર્યા છે. ફોટામાં રાહુલ ગાંધી તેમનાદાદી અને પૂર્વ વડાપ્રધાન સ્વ. ઈન્દિરા ગાંધીની સ્ટાઈલમાં જમીન પર બેઠેલા જોવા મળે છે. આ તસવીર દ્વારા કોંગ્રેસે એ દર્શાવવાનો પ્રયાસકર્યો છે કે, રાહુલ ગાંધી તેમની દાદીની જેમ જ ધારદાર છે.

All Congress MPs stopped at Vijay Chowk and prevented from marching to Rashtrapati Bhavan. Forcibly arrested. Now we are in police buses being taken to a place only PM and HM know where…

— Jairam Ramesh (@Jairam_Ramesh) July 26, 2022

રાષ્ટ્રપતિ ભવન તરફ કૂચ કરવાના હતા

કોંગ્રેસ કેન્દ્ર સરકાર પર તપાસ એજન્સીઓના દુરુપયોગનો આરોપ લગાવી રહી છે. આ મામલે આજે કોંગ્રેસના નેતાઓ રાષ્ટ્રપતિ ભવન તરફકૂચ કરવાના હતા.

તેઓ દિલ્હીના ઐતિહાસિક વિજય ચોક ખાતે એકઠા થયા હતા અને ત્યાં ધરણા કર્યા બાદ તેમની કૂચ શરૂ કરતા પહેલાતેમને કસ્ટડીમાં લેવામાં આવ્યા હતા.

કોંગ્રેસના રાજ્યસભા સાંસદ જયરામ રમેશે ટ્વીટ કરીને કહ્યું કે, કોંગ્રેસના સાંસદોને વિજય ચોકથી રાષ્ટ્રપતિ ભવન સુધી કૂચ કરતાઅટકાવ્યા. તેમને બળજબરીથી કસ્ટડીમાં લેવામાં આવ્યા હતા.

હવે અમે પોલીસ બસમાં છીએ. માત્ર વડાપ્રધાન અને ગૃહમંત્રી જ જાણે છે કે,અમને ક્યાં લઈ જવામાં આવી રહ્યા છે.

जंजीर बढ़ा कर साध मुझे,
हाँ, हाँ दुर्योधन! बाँध मुझे।

बाँधने मुझे तो आया है,
जंजीर बड़ी क्या लाया है?

इतिहास दोहरा रहा है...#SatyagrahaWithSoniaGandhi pic.twitter.com/wroc7cLtk9

— Congress (@INCIndia) July 26, 2022

સોનિયા ગાંધીની બીજીવાર પૂછપરછ

કોંગ્રેસના સાંસદો અગાઉ પાર્ટીની રણનીતિ નક્કી કરવા સંસદમાં એકઠા થયા હતા. નેશનલ હેરાલ્ડ અખબાર સાથે જોડાયેલા મની લોન્ડરિંગકેસમાં ED દ્વારા આજે બીજી વખત સોનિયા ગાંધીની પૂછપરછ કરવામાં આવી હતી. રાહુલ ગાંધી આ કેસમાં પૂછપરછ માટે તપાસ એજન્સીસમક્ષ હાજર થઈ ચૂક્યા છે.

English summary

Glimpse of Indira seen in Rahul Gandhi, detention of many MPs