દિલ્હી બિલકુલ સુરક્ષિત નથી: શીલા દીક્ષિત

નવી દિલ્હી, 6 ફેબ્રુઆરી: દિલ્હીમાં લાજપતનગરમાં ગઇકાલે એક મહિલા પર થયેલા બળાત્કારની કોશિશની ઘટનાના પગલે શીલા દીક્ષિતે જણાવ્યું કે દિલ્હી હવે બિલકુલ સુરક્ષિત નથી. તેમણે જણાવ્યું કે દિલ્હીમાં લાજપતનગર નગરની ઘટના બાદ તેમને આઘાત લાગ્યો છે. મહિલાઓની સુરક્ષા અંગે કરાયેલા સવાલમાં શીલા દીક્ષિતે જણાવ્યું કે લાજપતનગરની ઘટનાથી ચિંચામાં વધારો થયો છે, એવું લાગે છે કે દિલ્હી મહિલાઓ માટે સુરક્ષિત નથી.

રાષ્ટ્રીય રાજધાની દિલ્હીમાં મંગળવારે એકવાર ફરી હેવાનીયતની વારદાત સામે આવી હતી, આ મામલે શીલા દીક્ષિતે પોતાની પ્રતિક્રિયા આપી હતી. દિલ્હીમાં એક યુવતીની સાથે પહેલા રેપની કોશિસ કરવામાં આવી અને ત્યારબાદ તેના મોઢામાં લોખંડનો સળિયો નાખવાનો પ્રયાસ કરવામાં આવ્યો.

અત્રે ઉલ્લેખનીય છે કે છેલ્લા 16 ડિસેમ્બરના રોજ પેરા મેડિકલની એક વિદ્યાર્થિનીની સાથે ગેંગરેપની કથિત ઘટના ઘટી હતી. આ દરમિયાન પીડિતાની સાથે ઘોર બર્બરતા કરવામાં આવી હતી. ક્રૂરતાની સામે આખા રાષ્ટ્રમાં જનવિરોધ ફાટી નીકળ્યો હતો. હાલમાં આ મામલે કોર્ટમાં સુનવણી ચાલી રહી છે, અને તેની વચ્ચે આ બીજી ઘટના સામે આવી છે.

English summary

sheila dixit said delhi is not secure for women.