કોરોના બાદ પ્રિયજનો વચ્ચેનું અંતર વધ્યું, આત્મહત્યાની ઈચ્છા 67 ટકા વધી
2019ની વાત છે કે, ભારતમાં લોકો CAAના મુદ્દે વિરોધ કરી રહ્યા હતા, અમેઝોનના જંગલો સળગી રહ્યા હતા, ચીન અને અમેરિકા વચ્ચે વેપાર યુદ્ધ ફાટી નીકળ્યું હતું અને બ્રિટનના લોકો બ્રેક્ઝિટ સંઘર્ષમાં ફસાયા હતા.
2019ની વાત છે કે, ભારતમાં લોકો CAAના મુદ્દે વિરોધ કરી રહ્યા હતા, અમેઝોનના જંગલો સળગી રહ્યા હતા, ચીન અને અમેરિકા વચ્ચે વેપાર યુદ્ધ ફાટી નીકળ્યું હતું અને બ્રિટનના લોકો બ્રેક્ઝિટ સંઘર્ષમાં ફસાયા હતા. આ દરમિયાન ચીનના વુહાન શહેરમાં એક ખતરનાક વાયરસ ઝડપથી લોકોને પોતાનો શિકાર બનાવી રહ્યો હતો. તે સમયે કોઈ જાણતું ન હતું કે વિશ્વ એક જીવલેણ રોગચાળાની ટોચ પર ઉભું છે, જે 6 મિલિયનથી વધુ લોકોને તેમના પ્રિયજનોથી હંમેશ માટે છીનવી લેશે.
આ માર્ચ મહિનામાં, ભારતના લોકોને રોગચાળાના યુગમાં જીવતા પૂરા બે વર્ષ થયા છે. આ દરમિયાન લોકોએ દેશની વેસ્ટ હેલ્થ સિસ્ટમ સાથે લાંબી લડાઈ લડી હતી.
કેટલાક તેમના પ્રિયજનોને બચાવવામાં સક્ષમ હતા અને કેટલાક પરાજિત થયા હતા. આ બે વર્ષમાં ભારત અને દુનિયામાં ઘણું બદલાઈ ગયું છે. તમે પણ એક યા બીજા સમયે અનુભવ્યું હશે કે, કોરોના રોગચાળાએ આપણા અંગત જીવનની સાથે સાથે આપણા સામાજિક જીવન પર પણ ઊંડી અસર કરી છે.
પોતાના સંબંધો પર અસર
પરિવારમાં કોઇ એક કોરોના સંક્રમણનો ભોગ બને છે તો, ઘરના બીજા લોકોને તેમની સાથે દૂરી રાખવી પડી હતી. સંક્રમણને કારણે એકબીજાને સ્પર્શ કરતા પણ ડરતા હતા. યુનિવર્સિટી ઓફ મિયામીમાં ટચ રિસર્ચ ઇન્સટીટ્યૂટના જણાવ્યા અનુસાર એક વ્યક્તિને બીજા વ્યક્તિને સ્પર્શ કરવાની ભોજન અને પાણી જેટલી જ જરૂરિયાત રહે છે.
દેશમાં લોકડાઉન દરમિયાન લોકોના સુસાઇડ બિહેવિયરમાં 67.7 ટકાની વધારો થયો છે. ધ કન્વર્સેશન વેબસાઇટે 2000 લોકો પર કરવામાં આવેલા રિસર્ચમાં સામે આવ્યું હતું કે, ભલે લોકોએ લોકડાઉન દરમિયાન દોસ્તો અને સંબંધોની કમી જરૂર મહેસુસ કરી હતી, પણ કોરોના મહામારી બાદ લોકોને ઓછા દોસ્તો અને એકલા રહેવાની આદત વધી છે.
Click it and Unblock the Notifications
Sign in with Google
