Click it and Unblock the Notifications
Just In
-
-
-
-
Don't Miss
-
WhatsApp પર હવે નંબર સેવ કર્યા વગર થશે કોલ, મળશે આ નવી સુવિધા -
#BlueWarrior બનો! ભારતના કોવિડ વૉરિયર્સની મદદ માટે જોશ એપના અભિયાનમાં ભાગ લો
રાજકોટના હેન્ડીક્રાફ્ટના વેપારી સાથે 3 લાખની ઓનલાઈન છેતરપિંડી
રાજકોટ શહેરના એક ઓનલાઈન હેન્ડીક્રાફ્ટ વેપારીએ ઈન્સ્ટન્ટ મેસેજિંગ મોબાઈલ એપ્લીકેશન દ્વારા તેમનો સંપર્ક કરતા સાયબર છેતરપિંડી કરનારાઓ સામે રૂપિયા 3 લાખ ગુમાવ્યા હતા.
રાજકોટ : શહેરના એક ઓનલાઈન હેન્ડીક્રાફ્ટ વેપારીએ ઈન્સ્ટન્ટ મેસેજિંગ મોબાઈલ એપ્લીકેશન દ્વારા તેમનો સંપર્ક કરતા સાયબર છેતરપિંડી કરનારાઓ સામે રૂપિયા 3 લાખ ગુમાવ્યા હતા. પીડિત હિરેન વિરોજાએ નોંધાવેલી પોલીસ ફરિયાદ મુજબ, તે છેલ્લા ત્રણ વર્ષથી હેન્ડીક્રાફ્ટનું ઓનલાઈન વેચાણ કરતો હતો.
11 એપ્રીલના રોજ વિરોજાને યુકે સ્થિત મોબાઈલ નંબર પરથી વોટ્સએપ અને ટેલિગ્રામ મેસેજિંગ એપ્સ પર મેસેજ મળ્યો હતો. પ્રેષકે પોતાની ઓળખ એરિક ફેલિક્સ તરીકે આપી હતી, જે યુનાઇટેડ કિંગડમમાં ફાર્માસ્યુટિકલ કંપનીમાં કામ કરે છે.
ફેલિક્સે વિરોજાને કહ્યું કે, તેમની કંપનીને 'બુટિયા લિક્વિડ એક્સટ્રેક્ટ'ની જરૂર છે, જે એક પ્રકારનું બીજ અર્ક છે. તેમણે આસામની બે કંપનીઓના સંદર્ભો પણ આપ્યા જે પ્રવાહી અર્કનું ઉત્પાદન કરે છે. વિરોજાનો વિશ્વાસ મેળવવા માટે મેસેન્જરે વેબસાઈટ એડ્રેસ સાથે તેની કંપનીની વિગતો પણ મોકલી હતી. વિરોજાએ વેબસાઇટ અને અન્ય વિગતો તપાસી અને તે અસલી હોવાનું માન્યું હતું.
જે બાદમાં વિરોજાએ આસામમાં બુટિયા અર્ક બનાવતી પેઢીનો સંપર્ક કર્યો અને ક્વોટેશન મેળવ્યું હતું. આસામની પેઢીએ બુટિયા લિક્વિડ અર્કના લીટર દીઠ 4,000 અમેરિકી ડોલર (લગભગ રૂપિયા 3 લાખ) નો હવાલો આપ્યો હતો. ત્યારબાદ વિરોજાએ યુકેની ફાર્માસ્યુટિકલ કંપનીનો સંપર્ક કર્યો અને પ્રતિ લીટર 8,500 ડોલરનો ઉલ્લેખ કર્યો, જેના માટે કંપની સહમત થઈ હતી.
યુકે ફર્મે વિરોજાને પહેલા એક લીટર સેમ્પલ મોકલવા જણાવ્યું હતું. વિરોજાએ સેમ્પલ માટે એડવાન્સ તરીકે આસામની ફર્મને રૂપિયા 3 લાખ ચૂકવ્યા હતા. આ તમામ પત્રવ્યવહાર અને વ્યવહારો 12 એપ્રીલથી 20 એપ્રીલની વચ્ચે થયા હતા. જોકે, જ્યારે આસામની કંપનીએ સેમ્પલ મોકલ્યા ન હતા અને યુકે ફર્મમાંથી કોઈએ ઓર્ડરનું પાલન કર્યું ન હતું, ત્યારે વિરોજાને શંકા ગઈ અને તેણે બુધવારના રોજ રાજકોટના સાયબર ક્રાઈમ પોલીસ સ્ટેશનનો સંપર્ક કર્યો હતો.
