મહિલા PSI પર બળાત્કાર કરનારો નરાધમ પોલીસકર્મી ઝડપાયો
કચ્છના ભુજ શહેરમાં ફરજ બજાવતા એક પરિણીત પોલીસ સબ ઇન્સ્પેક્ટર (PSI) ની ગુરુવારના રોજ ભાવનગરમાં એક મહિલા PSIએ બળાત્કારનો આરોપ મૂક્યો અને ફરિયાદ નોંધાવ્યા બાદ ધરપકડ કરવામાં આવી હતી.
રાજકોટ : કચ્છના ભુજ શહેરમાં ફરજ બજાવતા એક પરિણીત પોલીસ સબ ઇન્સ્પેક્ટર (PSI) ની ગુરુવારના રોજ ભાવનગરમાં એક મહિલા PSIએ બળાત્કારનો આરોપ મૂક્યો અને ફરિયાદ નોંધાવ્યા બાદ ધરપકડ કરવામાં આવી હતી. પોલીસે પીએસઆઈ રાકેશ કટારાની ધરપકડ કરી છે, જેઓ હાલ ભુજ પોલીસ હેડક્વાર્ટરમાં તૈનાત છે.
પોલીસના જણાવ્યા મુજબ, મહિલા PSI એ બળાત્કારની ફરિયાદ નોંધાવ્યા બાદ, ભાવનગર પોલીસે ભુજમાં તેમના સમકક્ષોને જાણ કરી જેમણે કટારાની અટકાયત કરી હતી. ગુરુવારના રોજ ભાવનગર બી ડિવિઝન પોલીસે તેની વિધિવત ધરપકડ કરી હતી.
મહિલા PSIએ પોતાની ફરિયાદમાં જણાવ્યું છે કે, તે અને કટારાનો ભાઈ પોલીસ ટ્રેનિંગ દરમિયાન સાથે હતા. તેણી તેના ભાઈ દ્વારા કટારાના સંપર્કમાં આવી હતી. પીડિતાએ કટારા પર લગ્નનું વચન આપીને 2019થી અલગ-અલગ જગ્યાએ ઘણી વખત બળાત્કાર કરવાનો આરોપ લગાવ્યો છે.
ફરિયાદીએ વધુમાં જણાવ્યું હતું કે, કટારાએ તેની પ્રથમ પત્નીને છૂટાછેડા આપી તેની સાથે લગ્ન કરવાનું વચન આપ્યું હતું. તેણીએ આરોપ લગાવ્યો કે, કટારાએ તેની પાસેથી 3 લાખ રૂપિયા રોકડા લીધા, પરંતુ તે પરત કર્યા નહીં. પોલીસે કટારા સામે બળાત્કાર અને છેતરપિંડીનો ગુનો નોંધી તપાસ શરૂ કરી છે.