AAP ની હાર્દિક પટેલને ઓફર, કોંગ્રેસ પસંદ નથી તો આમ આદમી પાર્ટીમાં આવી જાય!
પોતાના પક્ષમાં હાંસિયામાં ધકેલાઈ ગયો હોવાનો આક્ષેપ કરતા હાર્દિક પટેલે કોંગ્રેસ હાઈકમાન્ડ પર કટાક્ષ કર્યો હતો. હાર્દિકે કહ્યું હતું કે, કોંગ્રેસમાં મારી સ્થિતિ એ નવપરિણીત વરરાજા જેવી થઈ ગઈ છે, જેની નસબંધી કરવામાં આવી છે.
સુરત : પોતાના પક્ષમાં હાંસિયામાં ધકેલાઈ ગયો હોવાનો આક્ષેપ કરતા હાર્દિક પટેલે કોંગ્રેસ હાઈકમાન્ડ પર કટાક્ષ કર્યો હતો. હાર્દિકે કહ્યું હતું કે, કોંગ્રેસમાં મારી સ્થિતિ એ નવપરિણીત વરરાજા જેવી થઈ ગઈ છે, જેની નસબંધી કરવામાં આવી છે. હાર્દિક પટેલના આ નિવેદનની સોશિયલ મીડિયાથી લઈને રાજકીય વર્તુળોમાં ચર્ચા થઈ રહી છે.
કેજરીવાલની આગેવાની હેઠળની આમ આદમી પાર્ટીના ગુજરાત પ્રદેશ અધ્યક્ષ ગોપાલ ઈટાલિયાએ હાર્દિક પટેલને લઈને મોટું નિવેદન આપ્યું છે. ઇટાલિયાએ આજે કહ્યું કે હાર્દિક પટેલનું સન્માન કરવામાં આવી રહ્યું નથી. હવે જો તેને કોંગ્રેસ પસંદ ન હોય તો અમારા જેવી વિચારધારાવાળી પાર્ટીમાં જોડાવું જોઈએ. ઇટાલિયાએ કહ્યું કે, "કોંગ્રેસને ફરિયાદ કરીને પોતાનો સમય બગાડવાને બદલે હાર્દિક પટેલે અમારી સાથે જોડાવું જોઈએ અને પોતાનું યોગદાન આપે. કોંગ્રેસ જેવી પાર્ટીમાં તેમના જેવા સમર્પિત લોકો માટે કોઈ સ્થાન નથી."
હાર્દિક પટેલે કોંગ્રેસ પર તેમની અવગણના કરવાનો આરોપ લગાવ્યો હતો અને કહ્યું હતું કે, મને PCCની કોઈપણ બેઠકમાં બોલાવવામાં આવતો નથી, કોઈ નિર્ણય લેતા પહેલા મારી સલાહ લેવામાં આવતી નથી, તો આ પદનો અર્થ શું છે? તમને જણાવી દઈએ કે સોનિયા ગાંધીના નિર્દેશ પર પાર્ટી હાઈકમાન્ડે હાર્દિકને ગુજરાતમાં કોંગ્રેસનો કાર્યકારી અધ્યક્ષ બનાવ્યા હતા. ભાજપ વિરુદ્ધ અવાજ ઉઠાવ્યા બાદ હાર્દિક રાહુલ ગાંધીની હાજરીમાં કોંગ્રેસમાં જોડાયા હતા.