લગ્નના 3 વર્ષ બાદ પત્નીએ પતિ સામે કરી ફરિયાદ, 'તે ગે છે, મને વૉટ્સએપ વેબથી ખબર પડી'

ગુજરાતના સુરતના મહિધરપુરા વિસ્તારની એક મહિલાએ લગ્નના લગભગ 3 વર્ષ બાદ પોતાના પતિને 'ગે' ગણાવીને ફરિયાદ નોંધાવી છે.

સુરતઃ ગુજરાતના સુરતના મહિધરપુરા વિસ્તારની એક મહિલાએ લગ્નના લગભગ 3 વર્ષ બાદ પોતાના પતિને 'ગે' ગણાવીને ફરિયાદ નોંધાવી છે. મહિલાએ સાસરિયાવાળા સામે પણ દહેજ-ત્રાસનો કેસ નોંધાવ્યો છે. 27 વર્ષીય મહિલાના જણાવ્યા મુજબ વર્ષ 2017માં તેના લગ્ન થયા હતા. એ દરમિયાન તેના પિતાએ વાસણ તેમજ સૂકા મેવા ગિફ્ટ આપ્યા હતા. સાસરિયાવાળાએ મેણા મારતા તેના પિતાએ 15 હજાર રૂપિયાની ફિક્સ ડિપોઝીટ પણ કરાવી દીધી હતી. બાદમાં સાસરિયાવાળા સંતાન પેદા કરવાની વાત કહેવા લાગ્યા. મહિલાનુ કહેવુ છે કે ઉણપ પતિમાં હતી પરંતુ ઘરવાળા મારા પર ગુસ્સો કરતા હતા.

મહિલાએ પોલિસ સમક્ષ ફરિયાદમાં જણાવ્યુ કે, 'નવેમ્બર 2019માં એક દિવસ વિવાદ થતા સાસુએ મારો ચાંદલો કાઢી લીધો. આના પર હું મારા પિયરમાં રહેવા જતી રહી. ત્યારબાદ એક દિવસ પોતાના પતિના મોબાઈલ વૉટ્સએપ વેબ કનેક્ટ કર્યુ અને તેના મેસેજ વાંચ્યાતો ખબર પડી કે તે ગે છે. મહિલાએ કહ્યુ કે મને તેના પર શંકા તો હતી જ કારણકે તે મોટેભાગે પોતાના માતાપિતા પાસે સૂતો હતો. વારંવાર કહેવા પર તેની બિમારીનુ બહાનુ બતાવતો હતો. તેને મેડિકલ રિપોર્ટ પણ ખરાબ આવ્યો. જેના કારણે તેને સંતાન નહોતુ થઈ રહ્યુ.'

મહિલાએ કહ્યુ કે સંતાન પેદા ન થવા માટે સાસરિયવાળા મને જવાબદાર ગણીને મેણા મારતા હતા. ત્રાસ આપતા હતા. જ્યારે એક દિવસ મે વૉટ્સએપ વેબથી પતિના મેસેજ ચેક કર્યા તો તેને ગે હોવાની વાત ખબર પડી. તેને સ્ત્રીઓના બદલે પુરુષોમાં રસ છે. આ જાણીને મને ખૂબ દુઃખ થયુ. ત્યારબાદ મહિધરપુરા પોલિસ સ્ટેશનમાં ફરિયાદ નોંધાવી.

English summary

After 3 years of marriage, the wife says- My husband is 'gay'.